Qarjaubai Nūrymovtyŋ otbasyna “qysym körsettı” degen aiyppen “Doktor” zaŋ aldynda jauapkerşılıkke tartyldy, dep habarlaidy “Adyrna” ūlttyq portaly Ūlysmediaǧa sıltep.
Būl turaly advokat Meiırman Şekeev özınıŋ Instagram paraqşasynda mälımdegen.
Advokattyŋ aituynşa, “Doktor” laqap atymen äleumettık jelıde tanylǧan azamat – Äbdırahman Bauyrjan – Qarjaubai Nūrymov pen onyŋ otbasyna ūzaq uaqyt boiy aŋdu, qorqytu jäne arandatu äreketterın jasaǧan. Būl mäselege qatysty sot otyrysy öttı.
Sotta advokat naqty talaptaryn jariia ettı.
“Jauapker TikTok jelısındegı maskarad778 jäne basqa akkaunttarynda Qarjaubai Polatūlynan resmi türde keşırım sūrap, beinejazba jariialauy tiıs. Būl video 30 kün boiy aşyq küide tūruy kerek”, – dedı advokat Meiırman Şekeev.
Sudia jauapkerden kınäsın moiyndaitynyn sūraǧanda, Äbdırahman Bauyrjan bärın rastaǧan.
“Aitqanymdy moiyndaimyn”, – dep jauap berdı.
Mediasiia jolymen tatulasuǧa bola ma degen sūraqqa jauap beru kezınde advokat qarsy tarapqa tıkelei saual qoidy. “Qarjaubaidyŋ otbasyn ne sebeptı aŋdydyŋyz?” degen saualǧa:
“Qazaqstan azamaty, qazaq bolǧan soŋ, ol jerde bolǧan ıstı körıp, aşulanyp, sonyŋ bärın ıstedım. Būl – menıŋ azamattyq pozisiiam. Men ony batyr qyluǧa jol bermeimın”, – dep jauap berdı.
Eske sala keteiık, Qarjaubai Nūrymov būǧan deiın sottan tüsetın moraldyq ötemaqyny balalar üiıne audaruǧa niettı ekenın aitqan bolatyn.
Ūqsas jaŋalyqtar
