Qorǧanys ministrlıgı äleumettık jelılerde taraǧan azamattardy äskerge mäjbürlep kölıkke otyrǧyzyp, alyp ketuge qatysty resmi tüsınıkteme berdı, dep habarlaidy "Adyrna" ūlttyq portaly.
Ministrlıktıŋ mälımetınşe, Qazaqstanda äskeri qyzmetke şaqyru jyl saiyn zaŋ aiasynda jürgızıledı. Alaida azamattardyŋ şaqyrtu qaǧazyn uaqytyly almauy jäne tırkelgen mekenjaida tūrmauy saldarynan bırqatar qiyndyqtar tuyndauda.
"Şaqyru qaǧazyn tapsyru mümkın bolmaǧan jaǧdaida, äskerge şaqyryluşynyŋ keluın qamtamasyz etu mındetı ışkı ıster organdaryna jükteledı. Keibır azamattar polisiianyŋ zaŋdy talaptaryna baǧynbai, qarsylyq körsetude. Būl jaǧdailar olardy mäjbürlep äskeri komissariatqa jetkızuge alyp kelude", – delıngen Qorǧanys ministrlıgınıŋ habarlamasynda.
Būǧan deiın Ekıbastūz ben Qostanaida osyndai jaittar tırkelgen. Äleumettık jelılerde taraǧan videolarda jastardy polisiia qyzmetkerlerı kölıkke küştep otyrǧyzyp, belgısız baǧytqa alyp ketkenı körsetılgen.
Ministrlık şaqyru komissiiasynyŋ şeşımı tek medisinalyq tekseruden keiın qabyldanatynyn atap öttı.
"Äskerge jaramsyz dep tanylǧan azamattar üilerıne qaitarylady. Al jaramdy bolsa, olar qosymşa tekserulerden ötıp, zaŋda közdelgen tärtıppen äskeri qyzmetke jıberıledı", – dep mälımdedı vedomstvo.
