Oblys mekeme ataýlaryn latyn álipbıinde tańbalaý

619

Búgin, ıaǵnı 11 qazanda Sh.Shaıahmetov atyndaǵy «TIL-QAZYNA» ulttyq ǵylymı-praktıkalyq ortalyǵynyń uıymdastyrýymen «Qala, aýdan jáne oblys mekeme ataýlaryn latyn álipbıinde tańbalaý» atty respýblıkalyq onlaın semınary ótti. 

Onlaın semınarda orfografııalyq top músheleri tarapynan ázirlengen «Qala, oblys, aýdan mekeme ataýlarynyń anyqtamalyǵy» talqyǵa salyndy. Sarapshy mamandar tarapynan birqatar usynys-pikirler aıtylyp, avtorlarǵa joldandy. Sarapshylar tarapynan birqatar máseleler kóterilip, semınarǵa qatysýshylar talqysyna salyndy.

 

Fılologııa doktory (PhD) Ásem Qasymova Qazaqstannyń barlyq óńirlerinde ergonımderdiń jazylýynda birizdiliktiń bolmaıtyndyǵyn, kóbinese ataýlardyń orys tilinde berilip, qazaqshaǵa qate aýdarylatyndyǵyn, bir ǵana mekeme, uıym ataýlarynyń qazaqsha nusqasy ártúrli beriletindigin, grammatıkalyq turǵydan qate jazylýy jıi kezdesetindigin atap ótip, mundaı olqylyqtardy retke keltirýde  Anyqtamalyqtyń asa qajet ekendigin atap ótti.

«Almatykitap» baspasynyń bas redaktory Ómirzaq Ábdishúkiruly Qazaqstan ataýy halyqaralyq arenada áli de sovettik nusqamen jazylyp jatqandyǵyn, halyqaralyq Kazakhstan jáne qazirgi qoldanystaǵy Qazaqstan ataýlarynyń qoldanylýyn retteý  kerektigin aıtty. 

Qaraǵandy oblysynyń tilderdi damytý jónindegi basqarmasy janyndaǵy Resýrstyq til ortalyǵy meńgerýshisi Jupar Jaqanova qazirgi tildik keńistiktegi ergonımderdiń saýatty jazylýyn latynnegizdi grafıkaǵa kósher tusta rettep alýdyń asa mańyzdylyǵyn jáne bul másele tektilshi ǵalymdardy ǵana tolǵandyryp qoımaı, tutas qoǵam nazarynda bolatyn másele ekendigin atap ótti. 

E.A.Bóketov atyndaǵy   Qaraǵandy memleketik  ýnıversıtetiniń doenti Sveta Samenova jekemenshik kommýnaldyq uıymdar ataýlaryn arnaıy daıyndyǵy joq kóptegen jarnamalyq agenttikterdiń qyzmetkerleri qoıatynyn, ergonımderdi teorııalyq bazaǵa súıene otyryp birizdendirý kerektigin tilge tıek etti. 

Onlaın semınarǵa Aqmola oblystyq oqý-ádistemelik ortalyǵynyń, ShQO Tilderdi damytý jáne úılestirý jumysy bóliminiń, Qostanaı oblysy ákimdiginiń tilderdi damytý basqarmasynyń, Shymkent qalalyq tilderdi oqytý-ádistemelik ortalyǵynyń, Qyzylorda oblystyq ishki saıasat basqarmasy bóliminiń, Jambyl oblysy Tilderdi oqytý ortalyǵynyń basshylary men mamandary qatysty. 

"Adyrna" ulttyq portaly

 

Pikirler