Aqtau qalasy maŋynda äue apatynan marqūm bolǧandardy eske aluǧa arnalǧan memorial ornatyldy, dep habarlaidy “Adyrna” ūlttyq portaly.
Memorial – ūşaq synyqtary tabylǧan jerge qoiylǧan metall qorşaudan tūrady. Ainalasyna gülder otyrǧyzylyp, keluşıler üşın oryndyqtar ornatylǧan. Būl keŋıstık – qaiǧy men estelıktıŋ erekşe atmosferasyn qalyptastyruǧa baǧyttalǧan.
“Būl oryn bükıl eldı eseŋgıretken qaiǧyly oqiǧanyŋ simvolyna ainaldy. Adamdar ömırdıŋ qanşalyqty näzık ekenın eske salatyn belgı retınde ony saqtap qalǧysy keldı”, – delıngen habarlamada.
Tüpqaraǧan audany äkımdıgınıŋ mälımetınşe, memorialdy ornatu bastamasy jergılıktı tūrǧyndardan şyqqan.
“Qaiǧyly oqiǧa qūrbandaryn mäŋgı este qaldyrudy halyq özı qalap, barlyq jūmystar men materialdardy öz qarajattarymen qamtamasyz ettı. Memlekettık biudjetten qarjy bölıngen joq”, – dep mälımdedı äkımdıktıŋ baspasöz qyzmetı.
Eske sala keteiık, 2024 jylǧy 25 jeltoqsanda Bakuden Groznyiǧa bet alǧan Embraer 190 jolauşylar ūşaǧy Aqtau maŋynda apatqa ūşyrap, bırneşe adam qaza tapqan edı.
Ūqsas jaŋalyqtar
