Byltyr şıldede Almaty qalasyndaǧy köpqabatty tūrǧyn üidıŋ 7 qabatynan qūlap qaza tapqan Aqnär Gülstannyŋ anasy prezident Qasym-Jomart Toqaevqa ündeu jasady, dep habarlaidy «Adyrna» tılşısı.
Aqnärdıŋ anasy Gülıstan Qamit ıstıŋ ädıl tergeluın talap etetının mälımdedı. Aituynşa, dälelder men videomaterialdar qyzynyŋ būl äreketke öz erkımen barmaǧanyn körsetken.
«Denesınde azaptaudyŋ auyr ızderı boldy. Telefonynan tabylǧan videolarda qyzymdy ūryp-soǧyp, qorlap jatqan sätter beinelengen. Qauıpsızdık kameralarynan alynǧan jazbalarda ony terezeden laqtyryp jıbergenı anyq körınedı. Būl oqiǧadan keiın qyzymnyŋ barlyq mülkı, aqşasy, zattary, tıptı kiımderı de joq bolyp şyqty. Onyŋ janynda bolǧan ekı qyz —Qytai azamattary. Olardyŋ osy qylmysqa tıkelei qatysy boluy mümkın. Soǧan qaramastan olar bostandyqta jür. Bırı tıptı elden şyǧyp, qaita oraldy. Endı bırı 2025 jyldyŋ 25 qaŋtarynda Qazaqstan azamattyǧyn aldy. Tergep-tekseru amaldaryn jürgızu barysynda eşqandai būltartpau şarasy qoldanylǧan joq»,—dedı marqūmnyŋ anasy.
Ol prezidentten qylmystyq ıstıŋ babyn auystyryp, "adam öltıru" jäne "zaŋsyz bostandyqtan aiyru" baptary boiynşa qarastyru turaly būiryq berudı ötınıp, tergeudı Astanaǧa berudı jäne küdıktılerdı qamauǧa aludy sūrady.
Eske salaiyq, Aqnär Gülıstan 2024 jylǧy 20 şıldede terezeden qūlap qaza tapqan bolatyn. Boijetkennıŋ ölımı boiynşa aşylǧan ıs «özın-özı öltıruge deiın jetkızu» babymen qaralyp jatyn. Marqūmnyŋ anasy qyzyn tanystary azaptap, 7-qabattan laqtyryp jıberdı deidı.
