Ötken jyl Aqmola oblysynda tūrǧyn üi qūrylysynyŋ damuyna serpın bergen maŋyzdy kezeŋ boldy. Memlekettık qoldau men auqymdy baǧdarlamalardyŋ jüzege asyryluy nätijesınde öŋırde 28 köpqabatty tūrǧyn üi paidalanuǧa berılıp, 1 571 otbasy qonys toiyn toilady.
Būl üilerdıŋ qatarynda nesielık päterler de, äleumettık osal toptarǧa arnalǧan äleumettık tūrǧyn üiler de bar. Äleumettık jaldamaly tūrǧyn üi qūrylysyna da erekşe köŋıl bölındı. Oblystyq qūrylys, säulet jäne qala qūrylysy basqarmasynyŋ mälımetınşe, jyl ışınde 149 päterlık 4 üi salynyp, olar kezekte tūrǧan äleumettık osal sanattaǧy azamattarǧa tabystaldy.
Salynǧan tūrǧyn üilerdıŋ basym bölıgın nesielık üiler qūrady — 1 077 otbasyǧa arnalǧan 20 üi salyndy. Būdan bölek, tötenşe jaǧdailardyŋ saldaryn joiu maqsatynda taǧy 4 üi boi köterıp, 345 otbasy jaŋa qonysqa ie boldy.
Tūrǧyn üi salasyndaǧy memlekettık qoldau sapalyq jaŋa deŋgeige köterıldı. Ötken jyly äleumettık osal toptar üşın qosymşa 850 päter satyp alyndy. Būl nätijege biudjettık nesieler men memlekettık baǧaly qaǧazdar esebınen qol jetkızıldı. Būl köptegen otbasylar üşın tek tūrǧyn üi mäselesın şeşu ǧana emes, sonymen qatar bolaşaqta baspanany jekeşelendıru mümkındıgıne jol aşty.
«Bızdıŋ basty mındetımız – Qazaqstan azamattaryn, äsırese tūrǧyn üige asa mūqtaj jandardy baspanamen qamtu. Bız päterlerdı biudjet esebınen satyp alu, obligasiialar şyǧaru siiaqty barlyq tetıkterdı ıske qostyq. Sonyŋ nätijesınde 2 421 otbasy tūrǧyn üi jaǧdaiyn jaqsartty. Jalpy öŋırde 6 myŋnan astam otbasy jaŋa qonysqa ie boldy», – dep mälımdedı salalyq basqarmadaǧylar.Būl baǧyttaǧy jūmystar biyl da jalǧasady. 2025 jyly Aqmola oblysynda taǧy 24 köpqabatty tūrǧyn üi paidalanuǧa berılmek. Jaŋa baspanaǧa 932 otbasy qonystanady dep josparlanuda. Onyŋ ışınde 182 otbasy jaldamaly, al 750 otbasy nesielık üilerden päter alady. Sonymen qatar, respublikalyq biudjet esebınen 188 päter, memlekettık baǧaly qaǧazdar esebınen taǧy 68 päter satyp alu közdelıp otyr. Jyldyŋ jarqyn oqiǧalarynyŋ bırı – 8 nauryz qarsaŋynda Selinograd audanynda 45 otbasyǧa jaŋa päter kıltterınıŋ tabystaluy boldy. Būl şara öŋırdegı tūrǧyn üi saiasatynyŋ ornyqty damuyn jäne onyŋ äleumettık maŋyzdylyǧyn aiqyn körsettı. Al atqarylǧan jūmystyŋ eŋ jaqsy baǧasy – jaŋa baspanaǧa ie bolǧan otbasylardyŋ şynaiy quanyşy. Jüzdegen otbasy tūraqtylyq pen erteŋgı künge degen senımge ie bolyp, bilıkke qoldau men qamqorlyq üşın alǧystaryn bıldırdı.
