Resei delegasiiasy 15 mamyr künı Ystambūlda ötetın kelıssözde Ukraina ökılderın kütetın bolady. Būl turaly Resei prezidentınıŋ baspasöz hatşysy Dmitrii Peskov mälımdedı, dep habarlaidy "Adyrna" ūlttyq portaly DW-ge sılteme jasap.
"Bızdıŋ delegasiia sol jerde bolady jäne ukrainalyq tarapty kütedı" - dedı ol 13 mamyr, seisenbı künı jurnalis Pavel Zarubinge bergen sūhbatynda.
Sonymen qatar, Peskov Resei tarapynan kelıssözder tobynyŋ qūramyn jariialaudan bas tartty.
"Prezidentten nūsqau tüsken kezde ǧana jariialaimyz" - dedı Kreml ökılı.
Būǧan deiın Resei men Ukraina arasyndaǧy kelıssözderge AQŞ memlekettık hatşysy Marko Rubio qatysatyny belgılı boldy. Saiasatkerdı "sol jaqqa baruǧa daiyndalyp jatyr", — dedı AQŞ prezidentı Donald Tramp Saud Arabiiasyndaǧy investisiialyq forumda. Ol būl kelıssözderden "jaqsy nätijeler" kütetının aitty.
Batys BAQ-tarynyŋ mälımetınşe, Ystambūldaǧy kelıssözderge Tramptyŋ arnaiy ökılderı Stiv Uitkoff pen Kit Kellog ta barady.
Ukraina prezidentı Vladimir Zelenskii būǧan deiın Türkiia prezidentı Rejep Taiyp Erdoǧanmen Ankarada kezdesu turaly kelısımge kelgenın aitqan bolatyn. Alaida eger Resei prezidentı Vladimir Putin Türkiia astanasyna barudan bas tartyp, Ystambūldy taŋdasa, Zelenskii men Erdoǧan sol jaqqa baruǧa daiyn ekenın jetkızdı.
"Būl kezdesudıŋ ötuı üşın qoldan kelgennıŋ bärın jasaimyz. Öitkenı atysty toqtatu turaly şeşımdı tek Putin ǧana qabyldai alady" - dedı Ukraina köşbasşysy.
