Tarazda Ile audandyq mäslihat deputatyna şabuyl jasaldy

Tarazda Almaty oblysy Ile audandyq mäslihatynyŋ deputaty, advokat Nūrlan Baiǧazievtı soqqyǧa jyqty, dep habarlaidy "Adyrna" ūlttyq portaly. Baiǧaziev Taraz qalasyna klientterımen kezdesu üşın barǧan. 13 mamyr künı keşke oǧan kafe ışınde şabuyl jasalǧan. Aldyn ala mälımet boiynşa, soqqylar kastetpen jasalǧan boluy mümkın. Därıgerlerdıŋ aituynşa, jäbırlenuşınıŋ bet süiegı synǧan. Ol auruhanada şamamen alty saǧat bolǧan. "Nauqas sol jaq bet süiegınıŋ  synu diagnozymen jetkızıldı. Terıde jaraqat joq. Barlyq qajettı medisinalyq kömek körsetıldı. Gospitalizasiia ūsynyldy, bıraq ol emdeluden üzıldı-kesıldı bas tartty" - dep mälımdedı Jambyl oblystyq densaulyq saqtau basqarmasy. Polisiia būl oqiǧa boiynşa QR Qylmystyq kodeksınıŋ 293-babynyŋ 1-bölıgı ("Būzaqylyq") boiynşa sotqa deiıngı tergeu bastaǧanyn habarlady. Şabuyl jasaǧan adamnyŋ jeke basy anyqtalǧan. "Oqiǧaǧa qatysy bar adam anyqtalyp, polisiiaǧa jetkızıldı. Qazır qylmystyq ıs boiynşa barlyq män-jaidy anyqtauǧa baǧyttalǧan tergeu jäne jedel-ızdestıru şaralary jürgızılıp jatyr", - dep mälımdedı polisiia.