Halyqty qoljetımdı ärı jaily tūrǧyn üimen qamtamasyz etu – memlekettik äleumettık saiasattyŋ negızgı basymdyqtarynyŋ bırı. Prezident Qasym-Jomart Toqaev Qazaqstan halqyna Joldauynda äleumettık ädılettılık pen halyqtyŋ ömır süru sapasyn arttyru qajettılıgıne erekşe toqtalǧan bolatyn. Būl mındet öŋırlık deŋgeide de kezeŋ-kezeŋımen jüzege asyrylyp keledı, äsırese tūrǧyn üi qūrylysy salasynda.
2023 jyly Aqmola oblysynda 650 myŋ şarşy metrden astam tūrǧyn üi paidalanuǧa berıldı. Būl 6 myŋnan astam otbasynyŋ baspana jaǧdaiyn jaqsartuǧa mümkındık berdı.
«Respublikalyq jäne oblystyq biudjetter esebınen 28 köpqabatty tūrǧyn üi salyndy. Jalpy sany — 1571 päter», – dep habarlady oblystyq qūrylys, säulet jäne qala qūrylysy basqarmasynyŋ basşysy Nūrsūltan Älımov.Jaŋa päterge ie bolǧandardyŋ bırı – Kökşetau qalasynyŋ tūrǧyny Sabina Jamşitova. Būl oqiǧa onyŋ otbasy üşın quanyşty ǧana emes, asa maŋyzdy ärı simvolikalyq sätke ainaldy.
«Anam tūrǧyn üi kezegıne osydan 15 jyl būryn tūrǧan edı. Ökınışke qarai, ol būl künge jete almady. Bıraq men, onyŋ ūrpaǧy retınde, baspanaǧa qol jetkızdım. Maǧan üilı boluǧa kömektesken barlyq adamdarǧa alǧysymdy bıldıremın», – dedı Sabina Jamşitova.Äleumettık osal toptardy tūrǧyn üimen qamtamasyz etuge erekşe nazar audaryluda. Osy maqsatta memleket esebınen 850 tūrǧyn üi satyp alynyp, baspana kezegınde tūrǧan azamattardyŋ sany aitarlyqtai qysqardy. Oblystyq qūrylys basqarmasynyŋ mälımetınşe, biyl 580 myŋ şarşy metr tūrǧyn üidı paidalanuǧa beru josparlanǧan. Qazırgı uaqytta 34 köpqabatty üidıŋ qūrylysy jürıp jatyr. Onyŋ ışınde 932 päterlık 24 üi jyl soŋyna deiın tapsyrylady. Sonymen qatar, äleumettık osal toptarǧa arnalǧan 251 päterdı satyp alu közdelgen.
«Būl maqsatqa respublikalyq biudjetten şamamen 3,5 milliard teŋge bölındı. Onyŋ 2,5 milliard teŋgeden astamy — transfertter. Sol qarajat esebınen 188 päter satyp alyndy. Qalǧan 63 päterdı memlekettık baǧaly qaǧazdar arqyly satyp alu josparlanyp otyr», – dep atap öttı Nūrsūltan Älımov.Osylaişa, öŋırde azamattardyŋ, äsırese ūzaq jyldar boiy kezekte tūrǧandardyŋ tūrǧyn üi jaǧdaiyn jaqsartuǧa baǧyttalǧan jüielı jūmystar jalǧasuda.
