Kökşetaudaǧy jylu közı jaŋartyluda: Ükımet rezervınen 1,1 mlrd teŋge bölındı

Kökşetau qalasyndaǧy negızgı jylu közı sanalatyn RK-2 qazandyǧyn jaŋartuǧa Qazaqstan Respublikasy Ükımetınıŋ rezervınen 1,1 milliard teŋgeden astam qarjy bölındı. Būl qarajat 2025–2026 jyldardaǧy jylu beru mausymyna daiyndyq aiasynda igerıledı. Atalǧan şeşım Memleket basşysy Qasym-Jomart Toqaevtyŋ injenerlık jelılerdıŋ tozuyn azaitu jönındegı tapsyrmasyna säikes qabyldandy. Tiıstı qaulyǧa Premer-Ministr Oljas Bektenov qol qoidy. «Qarajat Aqmola oblysynyŋ biudjetıne audaryldy. Endı būl qarajat esebınen avtomattandyrylǧan basqaru jüiesı, baqylau-ölşeu aspaptary, jylu almasu betterı jäne paidalanylu merzımı aiaqtalǧan jabdyqtar tolyqtai jaŋartylady», – dep mälımdedı Ükımettıŋ baspasöz qyzmetı. Sonymen qatar, aua jylytqyş kubtaryn jäne basqa da qazandyq agregattaryndaǧy toraptardy jöndeu josparlanǧan. Aita keteiık, RK-2 qazandyǧy – Kökşetau qalasyn jylumen qamtamasyz etetın negızgı nysan. 1977 jyldan berı jūmys ıstep kele jatqan jylu jelılerınıŋ jalpy ūzyndyǧy 188,7 şaqyrymdy qūraidy. Qazırgı taŋda qūbyrlardyŋ basym bölıgı tozǧan, alaida jaŋǧyrtu jūmystary jürgızılıp jatyr. Ötken jyly da Ükımet rezervınen bölıngen qarajat esebınen 6 şaqyrym magistraldı jelı men ekı qazandyq agregaty jöndelgen bolatyn. Nätijesınde, jelılerdıŋ tozu deŋgeiı 45%-dan 43%-ǧa tömendedı, al apattar sany 62-den 47-ge azaiǧan. Mamandardyŋ aituynşa, jürgızılıp jatqan keşendı jūmystar qalanyŋ jylu jüiesınıŋ senımdılıgın arttyryp, aldaǧy jylu beru mausymyn qiyndyqsyz ötkızuge mümkındık beredı.