Jeŋıs künı qalai ötıp jatqanyn öz közımen köreiın dep 9 mamyr künı Panfilovşylar parkıne bardym. Qazaqtyŋ kök tuy köp bolǧanyna özım kuä boldym. Bıraq ta qyzyl sovet tuy da, qara-sary Georgii lentasyn taqqandar sany da az bolǧan joq.
Bır kısı maqtanyşpen lentasy turaly Azattyqqa aityp tūr:
"Bız, - deidı ol, - būryn bırtūtas memleket edık, menıŋşe, jan düniemız älı de sonda. Men, mysaly, osy bırlıktıŋ jaqtauşysymyn".
Basqa bıreu sovet odaǧyn ansap jürgen jas almatylyq būdan da asyp kettı. Qolynda qyzyl tuy, keudesınde Stalin suretı bar azamat bylai deptı: "Stalin - bızdıŋ joǧary bas qolbasşysymyz. Öitkenı ol būl memlekettı saqtap qaldy jäne däl sol qolbasşy retınde būl soǧysty jeŋıp şyqty. Bız būl jeŋıske onyŋ basşylyǧymen jettık."
Arasynda qazaq ūltynyŋ ökılderı de köp.
Sonda bız täuelsızdıktı kımnen aldyq?
Būl adamdar qandai memlekette ömır sürıp jatqanyŋ bıle me degen ritorikalyq sūraqtar tuyndaidy.
Sovet ökımetınıŋ simvolikasyna tyiym salynatyn kezge jetemız be, älde osylai jyldan jylǧa kışkentai balapandarymyzdy sovettık äskeri kiımge kiındırıp jüre beremız be?
Ūqsas jaŋalyqtar
