Aqmola oblysynda mügedektıgı bar adamdar qalai qoldau tabuda

Aqmola oblysynda mügedektıgı bar jandarǧa äleumettık qoldau körsetu mäselesı ünemı jergılıktı bilıktıŋ nazarynda. Soŋǧy mälımetterge säikes, öŋırde 29 myŋnan astam mümkındıgı şekteulı adam tūrady, olardyŋ üş myŋnan astamy – balalar. Oblysta būl sanattaǧy azamattarǧa kömek körsetu şaralary keŋeitılıp, qoljetımdı infraqūrylym jüielı türde damytyluda. Bügınde 5,6 myŋnan astam adam qajettı oŋaltu qūraldary men qyzmetterıne qol jetkızdı. Būl – kömekke zäru jandardyŋ jalpy sanynyŋ şamamen 60 paiyzy. Olarǧa protezdık-ortopediialyq kömek, köru jäne estu qabıletı tömen adamdarǧa arnalǧan arnaiy qūraldar, arbalar, sanatorii-kurorttyq em alu mümkındıgı, jeke kömekşıler men ymdau tılı mamandarynyŋ qyzmetterı ūsynyldy. Gigienalyq qūraldarmen de tūraqty türde qamtamasyz etılude. Sonymen qatar oblysta äleumettık infraqūrylym nysandaryn beiımdeu jūmystary jürgızılude. Biyl 192 nysandy qaita jaŋǧyrtu jospary jasalǧan. Būl – tırek-qimyl jüiesı, köru jäne estu qabıletı būzylǧan jandardyŋ erkın qozǧalyp, qoǧam ömırıne tolyqqandy aralasuyna mümkındık beretın jaǧdailar jasau baǧytyndaǧy naqty qadam. Qazırdıŋ özınde segız nysan beiımdelıp ülgergen, būl jūmys jalǧasuda. Adrestık kömektıŋ tiımdı qūraldarynyŋ bırı – “Sifrlyq otbasy kartasy”. Būl kartada oblys tūrǧyndarynyŋ 768 myŋǧa juyq deregı jinaqtalǧan. Onyŋ kömegımen eŋ osal sanattaǧy azamattardy jedel anyqtap, tiıstı kömek körsetuge mümkındık bar. Qazırgı taŋda 51 myŋnan astam daǧdarystyq jäne şūǧyl kömektı qajet etetın otbasy erekşe baqylauǧa alynǧan. Jüielı közqaras, sifrlyq şeşımderdı engızu jäne jergılıktı jerde jürgızılıp jatqan belsendı jūmystar Aqmola oblysynda mügedektıgı bar adamdardyŋ ömır sapasyn arttyryp qana qoimai, olardyŋ qoǧamǧa kırıguıne de jol aşuda. Mūnda qamqorlyq jai söz jüzınde emes, naqty nätijelermen jäne derektermen däleldenıp otyr.