Kaspii maŋynan taǧy da itbalyq pen qūstardyŋ ölekselerı tabyldy. Balyq inspeksiiasy būl qaldyqtar ötken jyly küzde itbalyqtar jappai qyrylǧan kezde qalyp qoiǧan dep mälımdedı, dep habarlaidy “Adyrna” ūlttyq portaly.
Tüpqaraǧan audanyna qarasty Aqşūqyr jäne Saiyn Şapaǧatov eldı mekenderınıŋ tūrǧyndary Kaspii teŋızınıŋ jaǧalauynan ölı itbalyqtardyŋ öleksesın tapty. Tūrǧyndar ekologtardy habardar ettı, sodan keiın mamandar jaǧalaudy tekserıp, teŋız januarlarynyŋ qaldyqtaryn tırkedı.
Oblystyq balyq inspeksiiasy basqarmasy bastyǧynyŋ mındetın atqaruşy Qonarbai Bazarbaev ölekselerdıŋ köpşılıgı tehnika jete almaityn, jetu qiyn jerlerde ornalasqanyn aitty. Onyŋ aituynşa, keibır qaldyqtar ötken jyly küzde itbalyqtardyŋ jappai qyryluy tırkelgen kezde saqtalǧan boluy mümkın.
"Byltyr küzde būl aumaqtan 130-ǧa juyq ölı itbalyq tabylǧan. Onyŋ bıraz bölıgı sol uaqyttan qalǧan boluy mümkın. Qazır äkımdık kölıkke qoljetımdı jerlerdegı januarlardyŋ denesın şyǧaruǧa kırıstı. Baruǧa qiyn aimaqtar mäselesı älı de talqylanyp jatyr", – dedı Qonarbai Bazarbaev.
Ol jaǧalaudan ölgen qūstardyŋ ölekselerı tabylǧanyn habarlady. Oblystyq ekologiia departamentınıŋ mamandary zerthanalyq taldau üşın teŋız suynan synama aldy.
