Aqmola oblysy - turisterge qolaily infraqūrylym jasaqtauda

Aqmola oblysy – eldegı jetekşı turistık baǧyttardyŋ bırıne ainalyp keledı. 2024 jyldyŋ qorytyndysy boiynşa öŋırge 1 millionnan astam turist kelgen. Būl – ötken jylmen salystyrǧanda 3%-ǧa artyq körsetkış. Onyŋ ışınde 577 myŋǧa juyq adam ūlttyq parkterdı aralasa, 420 myŋnan astam turist qonaq üiler men demalys bazalarynda toqtaǧan. Oblystyŋ basty turistık aimaǧy – būrynǧysynşa Şuche-Burabai kurorttyq aimaǧy. Mūnda öŋırdegı barlyq turistık belsendılıktıŋ 90%-y şoǧyrlanǧan. Tek byltyrǧy jyldyŋ özınde Burabai audanyndaǧy körsetılgen qyzmet kölemı 113%-ǧa ösıp, 18,9 mlrd teŋgenı qūrady. Kurorttyq aimaq belsendı damuda: joldar salynyp, injenerlık jelıler jaŋartylyp, jaŋa qonaq üiler men oiyn-sauyq nysandary aşyluda. ŞBKA-ny 2029 jylǧa deiın damytuǧa arnalǧan keşendı jospar aiasynda jalpy somasy 137 mlrd teŋgeden asatyn 118 ıs-şarany jüzege asyru közdelgen. Basty basymdyqtardyŋ qatarynda – sapaly sumen jabdyqtau men su tartu jüiesın jaqsartu, köşe-jol jelısın qaita qūru, köpfunksionaldy kongress-ortalyq salu, jaǧajailardy abattandyru jäne «Aqbura», Qatarköl men Jükei kölderı siiaqty jaŋa turistık lokasiialardy damytu bar. Sonymen qatar, Şuche dendrologiialyq saiabaǧyn jaŋǧyrtu jūmystary bastalyp kettı. Būl aumaq ekoturizmnıŋ jaŋa ortalyǧyna ainaluy tiıs. Öŋırdıŋ investisiialyq tartymdylyǧyna da erekşe nazar audaryluda. 2024 jyly kurorttyq aimaqta 3 mlrd teŋgege juyq qarajatqa 5 ırı joba jüzege asyryldy. Olardyŋ qatarynda – Şuche kölınıŋ jaǧalauyndaǧy butik-qonaq üi, «Altay Resort» sekıldı tanymal nysandardy qaita jöndeu jäne jaŋa demalys aimaqtaryn salu bar. Qazır «Wyndham» men «Hilton» siiaqty halyqaralyq qonaq üi jelılerınıŋ jobalary jüzege asyrylu üstınde. Astanalyq aglomerasiiaǧa jaqyn turistık klaster de damyp keledı. Jaqynda basym aumaqtar qataryna engen Aqköl audanyna bügınde 4,5 mlrd teŋgeden astam jeke investisiia tartylǧan. Mūnda elımızde dästürlı kurorttardan tys aimaqtaǧy alǧaşqy halyqaralyq deŋgeidegı qonaq üi — Wyndham Residences Aqkol aşyldy. Jaqyn jyldary kottedj qalaşyǧy, SPA-keşenı men Ramada kurorty syndy bırneşe jaŋa nysannyŋ qūrylysy josparlanuda. Turizmnıŋ äleuetı Zerendı, Bırjan sal jäne Sandyqtau audandarynda da qarqyndy aşyluda. Būl aimaqtarda şaǧyn jäne orta biznestı qoldau, memlekettık qoldau şaralaryn engızu, jaŋa turistık baǧyttar men demalys bazalaryn aşu qolǧa alynǧan. Degenmen, keibır öŋırlerde şeşımın kütken mäseleler de bar: mysaly, Sandyqtau audanynda jol infraqūrylymyn jaŋartu qajet. Öŋırlık logistika da damyp keledı. 2025 jyly Kökşetau — Qyzylorda baǧytyndaǧy jaŋa äue reisı aşylady, «Kurort-Burabai» temırjol stansiiasy jaŋǧyrtylady, jaz mezgılınde tıkūşaqpen şolu ekskursiialary ıske qosylady. Turisterdıŋ qauıpsızdıgı men jailylyǧy da basty nazarda. Biyl 79 beinebaqylau kamerasy ornatylady, sondai-aq ekı su-qūtqaru stansiiasynyŋ qūrylysy aiaqtalady. Sifrlandyru baǧytynda da jūmys jürgızılude: 7 jaŋa ūialy bailanys mūnarasy ornatylyp, mobildı internettıŋ sapasy jaqsaruda. Ekologiia — taǧy bır maŋyzdy basymdyq. Burabai audanynda qaldyqtardy bölek jinau jäne öŋdeu jüiesın qamtamasyz etetın qoqys öŋdeu keşenınıŋ qūrylysy bastaldy. Joba memlekettık-jekemenşık ärıptestık mehanizmı arqyly jüzege asyryluda. İnfraqūrylymdyq jobalarmen qatar, oqiǧaly turizm de damyp keledı. 2025 jyly öŋırde 25 ırı ıs-şara ötkızu josparlanǧan, olardyŋ qatarynda halyqaralyq jäne respublikalyq deŋgeidegı jobalar bar. Būl şaralarǧa 30 myŋnan astam adam qatysady dep kütılude. Aqmola oblysy turizmdı ornyqty damytu baǧytyn berık ūstanǧan. Öŋır damu baǧytyn aiqyn aiqyndap otyr: jailylyq, qauıpsızdık, investisiialyq tartymdylyq, sifrlandyru jäne ekologiialyq tūraqtylyq. Būl – öŋırge kelgen ärbır turistıŋ qaita oralǧysy keluı üşın jasalyp jatqan jüielı jūmystar.