Ereimentau audanynda tyl eŋbekkerlerı men ardagerler jesırlerıne Jeŋıstıŋ 80 jyldyǧyna arnalǧan medaldar tabystaldy

Ūly Jeŋıstıŋ 80 jyldyq mereitoiy qarsaŋynda Ereimentau audanynda erekşe taǧzym men alǧysqa toly ıs-şara öttı. «Jeŋıstıŋ ruhy biık, daŋqy mäŋgı» atty şara aiasynda tyl eŋbekkerlerı men Ūly Otan soǧysy ardagerlerınıŋ jesırlerıne mereitoilyq medaldar men estelık syilyqtar tabys etıldı. Būl — tek marapat emes. Būl — ötkenge degen taǧzym, el üşın ter tökkenderdıŋ eŋbegıne berılgen şynaiy qūrmet. Jinalǧandardyŋ jüzınde tolqynys, közderınde saǧynyş pen maqtanyş sezımı qatar körındı. Is-şaraǧa audan basşylyǧy qatysyp, Ūly Jeŋıs künımen şyn jürekten qūttyqtap, beibıt aspan men tynyş ömır üşın zor alǧystaryn bıldırdı. Olar ardagerlerdıŋ eren eŋbegı men maidanda qaza tapqan bozdaqtardyŋ ruhyna taǧzym ettı. Audan äkımı ardagerler jesırlerıne qarap: "Sızderdıŋ tözımderıŋız ben tabandylyqtaryŋyz – bügıngı ūrpaqqa ülgı. Jeŋıstıŋ ärbır sätı – sızderdıŋ qajyr-qairattaryŋyzben kelgen", – dep jürekjardy lebızın jetkızdı. Aita keteiık, marapattar men medaldar Memleket basşysy Qasym-Jomart Toqaevtyŋ atynan tabystaldy. Būl — Prezidenttıŋ el tarihyndaǧy batyr analar men ardaqty eŋbek adamdaryna degen qūrmetınıŋ belgısı. Is-şara barysynda 20-dan astam tyl ardagerı men ardagerlerdıŋ jesırlerı arnaiy qūrmetke ie boldy. Olar üşın būl kün – jai ǧana eske alu künı emes, jürekterındegı saǧynyş pen maqtanyşqa toly erekşe sätke ainaldy. Olardyŋ ömır joly – öşpes erlık pen tözımnıŋ aiǧaǧy. Osyndai kezdesuler arqyly ūrpaqtar sabaqtastyǧy nyǧaiyp, Jeŋıs ruhy jürekterde mäŋgılıkke saqtalady.