4 mamyr künı Almaty oblysyndaǧy Alma-Arasanda seruendeuge şyqqan student qyzdy tas basyp, ol alǧan auyr jaraqattarynan oqiǧa ornynda köz jūmǧan, dep habarlaidy "Adyrna" ūlttyq portaly.
Qazaqstan Respublikasy Tötenşe jaǧdailar ministrlıgınıŋ mälımetınşe, qaiǧyly jaǧdai teŋız deŋgeiınen 2 500 metr biıktıkte, sarqyrama maŋynda oryn alǧan. Tauǧa köterılgen toptyŋ ışınde bolǧan kuägerler qyzdy öz küşterımen qūtqara almaǧan.
«Respublikalyq jedel-qūtqaru jasaǧynyŋ qūtqaruşylaryna oqiǧa turaly habar kuägerlerden tüstı. Belgılı bolǧandai, oqiǧa ornynda ūialy bailanys bolmaǧan, sondyqtan habar tek kuägerler taudan tüsıp kelgennen keiın ǧana berıldı», — dep habarlady ministrlık.
Qūtqaru operasiiasyna RJQJ-nyŋ 18 qūtqaruşysy, 109 qyzmetı, apattyq medisina ortalyǧynyŋ därıgerlerı jäne ekı kinologiialyq top jūmyldyryldy. Qyzdyŋ denesı gidravlikalyq qūrylǧynyŋ kömegımen şyǧarylyp, polisiia qyzmetkerlerıne tapsyryldy.
Ministrlık oqiǧa qarsaŋynda tauly aimaqtarda dauyl turaly eskertu jariialanǧanyn atap öttı. Soǧan bailanysty vedomstvo azamattardy tauǧa şyǧarda aua raiy boljamyn mūqiiat baqylauǧa jäne qauıpsızdık şaralaryn qataŋ saqtauǧa şaqyrdy.
Ūqsas jaŋalyqtar
