Granitnoe auylyndaǧy sarbazdar ziiatkerlık saiysta synǧa tüstı

Zerendı audanyna qarasty Granitnoe auylyndaǧy 55/10 äskeri bölımınde Otan qorǧauşy künıne arnalǧan dästürlı saptyq şeru ǧana emes, naǧyz aqyl-oi dodasyna ainaldy. Qazırdıŋ özınde kazarma ışı qyzu daiyndyq alaŋyna ainalyp, sarbazdar aldaǧy ziiatkerlık oiynǧa belsendı kırısıp kettı. Būl erekşe şarany Aqmola oblystyq ışkı saiasat basqarmasynyŋ «Jastar resurstyq ortalyǧy» ūiymdastyryp otyr. Oiynda 60-tan astam sarbaz baq synamaq. Olar 3 adamnan qūralǧan 20 komandaǧa bölınıp, bes türlı baǧyt boiynşa bılımderın sarapqa salady. Būl tek sūraq-jauap saiysy emes, oilau qabıletın, tapqyrlyqty, erudisiiany talap etetın şynaiy intellektualdy şaiqas bolǧaly tūr. Ziiatkerlık oiyn bes baǧyttan tūrdy: «Tarih taǧylymy» ,«Än älemı» , «Ūly tūlǧa turaly», «Kino älemı», «1+1=3». «Bızdıŋ maqsatymyz – sarbazdardyŋ boiyndaǧy strategiialyq oilau men tanymdyq qabılettı oiatu. Qazırgı zamanda jauynger tek küştı ǧana emes, bılımdı, oily boluǧa tiıs. Būl oiyn – sol qabıletterdı damytuǧa baǧyttalǧan», – deidı ūiymdastyruşylar. Kazarmada qazırdıŋ özınde erekşe ruh qalyptasqan. Sarbazdar viktorinalardy qaitalap, Ekınşı düniejüzılık soǧystyŋ maŋyzdy oqiǧalaryn eske tüsırıp, ensiklopediialar paraqtap, süiıktı filmder men tarihi tūlǧalar jaily pıkırtalasqa tüsude. Būl şynaiy intellektualdy daiyndyqtyŋ körınısı. Ūiymdastyruşylardyŋ aituynşa, jülde almai qalǧan komandalar da ūtylmaidy olar şabyt, jaǧymdy emosiia men jaŋa bılımmen qarulanyp qaitady. Al jeŋımpazdarǧa estelık syilyqtar tabystalady. Būl syilyqtar – olardyŋ intellektualdyq jeŋısınıŋ simvoly bolmaq. Mūndai formattaǧy şaralar Otan qorǧauşylar künın atap ötudıŋ jaŋaşa ülgısıne ainalyp keledı. Qatar tüzep, sappen jüretın sarbazdar endı oimen de sap tüzei bastady. Būl äsker tek tärtıp pen jarǧy ǧana emes, jan-jaqty damyǧan jeke tūlǧalardyŋ ordasy ekenın aiǧaqtaityn jaqsy mysal.