Aqmola oblysynda mädeni nysandar jaŋaryp jatyr: ondaǧan joba jüzege asuda

Aqmola oblysynda äleumettık infraqūrylymdy damytu baǧytyndaǧy jūmystar jüielı jalǧasuda. 2025 jyly öŋır üşın maŋyzdy basymdyqtardyŋ bırı mädeniet nysandaryn salu men jaŋartu boldy. Osy maqsattarǧa respublikalyq, jergılıktı jäne ūlttyq qorlardan jalpy kölemı 3,7 mlrd teŋgeden astam qarajat bölındı. Jobalar tek audan ortalyqtaryn ǧana emes, şalǧai auyldardy da qamtidy. Eŋ auqymdy jobalar jaŋa qūrylys baǧytynda jürgızılude. Qazırgı taŋda 12 nysannyŋ qūrylysy jürıp jatyr. Olardyŋ qatarynda mädeniet üilerı, klubtar, bos uaqyt ötkızu ortalyqtary men muzeiler bar. Mäselen, Şuche qalasynda 400 oryndyq audandyq mädeniet üiınıŋ qūrylysy aiaqtaluǧa jaqyn. Oblystyq mädeniet basqarmasynyŋ mälımetınşe, būl nysan mamyr aiynyŋ soŋyna deiın paidalanuǧa berıledı. Arşaly auylynda 300 oryndyq mädeniet üiı salynyp jatyr. Qūrylysty oblys äkımı tıkelei baqylauyna alǧan, al aiaqtau merzımı 1 qyrküiek dep belgılengen. Ūqsas jobalar Arşaly audanyndaǧy Jıbek joly auylynda da jüzege asyryluda. Mūnda ırı mädeni ortalyqtyŋ qūrylysy mausym aiynda tämamdaluy tiıs. Būl nysandardy Jetısu men Batys Qazaqstan oblystarynan kelgen qūrylys kompaniialary salyp jatyr. Zerendı auylynda salynyp jatqan muzei-kreativtı hab erekşe nazar audarady. Būl jai ǧana körme zaly emes, şyǧarmaşylyq pen mädeni bastamalardy damytuǧa arnalǧan zamanaui keŋıstık. Qūrylys jūmystary bastalyp kettı, tolyq aiaqtalu merzımı 2026 jyl. Sondai-aq Bulandy, Aqköl, Burabai, Astrahan audandarynda da mädeniet oşaqtarynyŋ qūrylysy qarqyndy jürıp jatyr. Mysaly, Nikolskoe auylyndaǧy mädeniet üiınıŋ qūrylysy 60 paiyz aiaqtalǧan. Al Katarköl, Kenesary, Qarabūlaq auyldarynda da jūmys belsendı türde jalǧasuda. Kürdelı jäne aǧymdaǧy jöndeu jūmystary da maŋyzdy baǧyttardyŋ bırı. Atap aitqanda, Jolymbet, Ürımqai, Sabyndy, Jaŋaesıl auyldaryndaǧy mädeniet üilerı jaŋartylyp jatyr. Esıl audanyndaǧy jöndeu jūmystary tolyq aiaqtalsa, Arşaly audanyndaǧy Anar auylynyŋ kluby mamyr aiynda aiaqtaluǧa jaqyn. Sonymen qatar, Būlandy audanynyŋ Qaraözek auylynda ornalasqan mädeniet üiınde rekonstruksiia jūmystary bastaldy. Qazırgı taŋda būl jerde būzu jūmystary jürgızılude. Barlyq jobalar respublikalyq biudjet, ūlttyq qor jäne jergılıktı biudjet esebınen qarjylandyryluda. Köptegen nysandar 2025 jyldyŋ soŋyna deiın tapsyrylady, al keibırı 2026 jylǧa josparlanǧan. Osylaişa, Aqmola oblysynyŋ mädeni kartasy qarqyndy özgerude. Jaŋadan boi kötergen mädeni mekemeler tūrǧyndar üşın şyǧarmaşylyqpen ainalysuǧa, demaluǧa, bırlesıp jūmys ısteuge jäne özara bailanys ornatuǧa ülken mümkındık beredı. Būl tek infraqūrylymdyq damuǧa ǧana emes, sonymen qatar ūlttyq bıregeilıktı saqtau, patriotizmdı küşeitu men ömır sapasyn arttyruǧa da zor üles qosady.