5 mamyr künı Ukraina prezidentı Vladimir Zelenskii Chehiiaǧa resmi saparmen bardy. Josparlanǧan ıs-şaralar barysynda ol ukrainalyq eden juuşy äieldermen bırge suretke tüstı. Būl turaly 24 Kanal Chehiia Parlamentı Mäjılısınıŋ media keŋesşısı Daniel Moraveske sılteme jasap jariialady, dep habarlaidy “Adyrna” ūlttyq portaly.
Atalǧan äielder cheh parlamentınde eden juuşy bolyp jūmys ısteidı, al sol künı Zelenskii deputattarmen kezdestı.
Kezdesulerdıŋ bırınıŋ üzılısı kezınde Zelenskii körşı bölmede tūrǧan äielderdıŋ äinek arqyly baqylap tūrǧanyn baiqap, olardy bırge suretke tüsuge şaqyrdy.
Suretterdı Daniel Moraves pen vise-spiker Katarina Rişava tüsırgen.
Palata keŋesşısı aitqandai, būl jait äielderdı qatty tolqytqandyqtan, olar köz jasyna erık bergen.
Eske sala keteiık, Zelenskiidıŋ Pragaǧa sapary aiasynda Ukraina men Chehiia ukrain ūşqyştaryn Chehiiadaǧy bazalarda oqytu üşın arnaiy mektep aşuǧa kelısken. Būl mektepte olardy F-16 jäne L-39 ūşaqtaryn basqaruǧa üiretetın bolady. Sonymen qatar beibıtşılık ornatuǧa qatysty diplomatiialyq qadamdar men Reseige qysym körsetu täsılderı talqylanǧan.
