Ukraina prezidentı Vladimir Zelenskii AQŞ ūsynǧan Ukrainanyŋ paidaly qazbalarynyŋ 50%-yna qūqyq beretın kelısımge qol qoiudan bas tartty. Būl turaly Unian.net basylymy jazdy, dep habarlaidy “Adyrna” ūlttyq portaly.
"Miunhendegı bırneşe zaŋ şyǧaruşy maǧan AQŞ Kongresı delegasiiasy Zelenskiige bır paraq qaǧaz ūsynǧanyn aitty. Onda AQŞ-qa Ukrainanyŋ bolaşaq mineraldyq qorlarynyŋ 50%-yna qūqyq beru qarastyrylǧan. Zelenskii ony sypaiy türde qol qoiudan bas tartty", – dep jazylǧan basylymda.
Reuters agenttıgınıŋ derekközderı Miunhendegı kezdesude Zelenskiidıŋ AQŞ daiyndaǧan kelısımge qatysty alaŋdauşylyq bıldırgenın habarlady.
"Zelenskii özınen tanysyp ülgermegen qūjatqa qol qoiudy talap etıp otyrǧandai sezındı. Bärıne bırden qol qoiuǧa daiyn emespın. Bıraq AQŞ-pen paidaly qazbalar jönındegı yqtimal kelısımdı talqylauǧa äzırmın", – dep mälımdedı.
Ukraina Konstitusiiaǧa negızdelgen öz ūsynysyn jasaitynyn atap öttı. Alaida resmi Kiev būl aqparatqa qatysty pıkır bıldırgen joq.
Aita keteiık, AQŞ prezidentı Donald Tramp Amerikanyŋ kömegıne qaitarym retınde Ukrainamen sirek jer metaldaryn aldyru turaly kelıssözder jürgızgısı keletının jetkızdı.
