Oblystyq auyl şaruaşylyǧy qyzmetkerlerı käsıpodaǧynyŋ töraǧasy Tlepbergen Aikenov Memleket basşysy Qasym-Jomart Toqaev jariialaǧan Jūmysşy mamandyqtar jylynyŋ negızgı mındetterı men baǧyttaryn baiandady, dep habarlaidy Öŋırlık kommunikasiialar qyzmetınen.
«Būl – uaqtyly ärı ädılettı şeşım. Ol käsıpodaqtar, ükımet pen jūmys beruşıler arasyndaǧy serıktestıktı nyǧaityp, milliondaǧan qazaqstandyq üşın laiyqty eŋbek jaǧdaiyn jasauǧa baǧyttalǧan ortaq maqsatqa jol aşady», – dedı Aikenov.Onyŋ aituynşa, naqty sektordyŋ damuy bılıktı jūmysşy kadrlarsyz mümkın emes. Alaida bügınde qol eŋbegımen bailanysty mamandyqtardyŋ qoǧamdaǧy bedelı tömendegen. Jastar mūndai mamandyqtardy sirek taŋdaidy, al jaǧdaidy tek jekelegen şaralarmen özgertu qiyn.
«Adam tek ekonomikalyq emes, äleumettık mänı bar tūlǧa. Eger qoǧamda ‘qol eŋbegı – ekınşı sort’ degen tüsınık saqtalsa, bız tūraqty ekonomika qūra almaimyz», – dedı spiker.Tlepbergen Aikenov jalaqyny köteru tek bır qadam ekenın, eŋ maŋyzdysy mamandyqtar turaly qoǧamdyq közqarasty özgertu ekenın atap öttı:
«Būl ūzaq merzımdı, jüielı jūmys. Bız mektep qabyrǧasynan bastap balalarǧa türlı mamandyqtar turaly aityp, eŋbek jolynda tabysqa jetken tūlǧalardy ülgı etıp, öndırıs oryndaryn tanystyruymyz kerek», – dedı ol.Käsıpodaqtar käsıptık-tehnikalyq bılım beru jüiesıne erekşe nazar audarmaq. Būl jüie qazırgı zaman men ekonomika sūranysyna sai beiımdeluı tiıs. Sondai-aq käsıpodaqtar zaŋnamalyq aktılerdı jetıldıru jäne Parlamenttegı «Eŋbek» deputattyq bırlestıgımen dialog jürgızu ısıne belsendı qatysatyn bolady.
«Qoǧam igılıgın jasaityn eŋbek adamy mūqtajdyq körmeuı kerek. Onyŋ tabysy tek kündelıktı qajettılıkterın emes, özın-özı damytuǧa da mümkındık beruı tiıs», dedı Aikenov.Ol Qazaqstan käsıpodaqtary eŋbek qūqyqtaryn käsıbi qorǧaumen ainalysatyn ırı qoǧamdyq küş retınde Jūmysşy mamandyqtar jyly aiasyndaǧy mındetterdıŋ jüzege asuyna öz ülesın qosuǧa daiyn ekenın jetkızdı.
«Eŋbek adamy – ekonomikalyq ösımnıŋ negızı. Al oǧan degen qūrmet onyŋ eŋbegınıŋ qūndylyǧyn moiyndaudan bastalady», – dep tüiındedı käsıpodaq töraǧasy.
