Bügın, 1 mamyr künı Qostanai qalasynda respublikalyq «Bırlık jügırısı – 2025» jügırısı öttı. Būl jarysqa myŋdaǧan qatysuşy – etnomädeni bırlestıkterdıŋ ökılderı, Qazaqstan halqy Assambleiasynyŋ müşelerı, oquşylar, studentter, Ş.Qabylbaev atyndaǧy IIM kursanttary,sportşylar, ardagerler men oblys tūrǧyndary qatysty.
Gaşek köşesınde taŋerteŋgılık tırkeu men saltanatty aşylu räsımımen bastaldy. Memlekettık Gimn oryndalyp, Qostanai oblysy äkımdıgı qoǧamdyq damu basqarmasy basşysynyŋ mındetın atqaruşy Dinara Qarymsaqova qatysuşylarǧa qūttyqtau sözın arnady:
— Būl jügırıs – jai ǧana sporttyq şara emes. Bügın bız bır komandadai, bır halyqtai, beibıtşılık, kelısım men özara qūrmet jolymen bırge jügırıp kelemız. Būl, äsırese, bızdıŋ Qostanai oblysynda erekşe maŋyzǧa ie, öitkenı mūnda 50-den astam etnos ökılderı tatulyq pen dostyqta ömır sürude. Osy – bızdıŋ öŋırdıŋ küşı, halqymyzdyŋ quaty! Assambleia üş onjyldyq boiy bırlık pen kelısımdı nyǧaituǧa zor üles qosyp keledı, al bügıngı jügıru – sonyŋ jarqyn dälelı. Mūnda türlı etnomädeni bırlestıkterdıŋ ökılderı, jastar, sportşylar men qala tūrǧyndary jinaldy – barşamyzdy bırıktıretın ortaq sezım: Otanǧa degen mahabbat, bır-bırımızge degen qūrmet pen bırlıkke degen ūmtylys.
Qūttyqtauǧa QHA ardagerı Kalqaman Jaqyp qosyldy, al jeŋıl atletikadan töreşı, qosymşa bılım beru pedagogy Qūrmanai İsergepov baǧdarlama turaly tolyq aqparat berdı.
Jügıru bırneşe qaşyqtyqty qamtydy: inkliuzivtı sportşylar üşın 0,5 km, är jastaǧy balalar üşın 1,1 km jäne 16 jastan asqandar üşın 8 km. Ärbır startty janküierlerdıŋ qoşemetı men qala tūrǧyndarynyŋ qyzu qoldauy süiemeldedı.
Aita keteiık, «Bırlık jügırısı» tek oblys ortalyǧynda ǧana emes, sondai-aq öŋırdıŋ qalalary men audandarynda da öttı. Ärbır eldı mekende tūrǧyndar qaşyqtyqqa şyǧyp, özderınıŋ yntymaqtastyǧyn bıldırıp, salauatty ömır saltyn qoldap, qazaqstandyq qoǧamnyŋ auyzbırşılıgın körsettı. Keŋ kölemde ūiymdastyrylǧan būl şara şyn mänınde öŋırlık sport merekesıne ainaldy.
Ūiymdastyruşylar mūndai ıs-şaralar bırlıktı nyǧaityp, jaŋa jetıstıkterge şabyt beretının jäne öŋır üşın igı dästürge ainalatynyna senım bıldırdı.
Ūqsas jaŋalyqtar
