29 säuır künı Atyrauda öz päterınen 45 jastaǧy Bibıgül Şpanovanyŋ mäiıtı tabyldy. Ol NCOC kompaniiasynda bölım basşysy qyzmetın atqarǧan, mūnai-gaz salasynda 20 jyldan astam täjıribesı bar maman bolǧan, dep habarlaidy "Adyrna" ūlttyq portaly.
Polisiianyŋ mälımetınşe, äieldıŋ denesınde pyşaq jaraqattary bolǧan, al üidegı seif būzylǧan. Qylmys Avangard yqşamaudanyndaǧy "Fransuz kvartaly" tūrǧyn üi keşenınde oryn alǧan.
Şpanovanyŋ tuystary Adam qūqyqtary jönındegı biuroǧa jügınıp, ıstıŋ jan-jaqty tergeluın talap etude. Olar qylmystyŋ äieldıŋ käsıbi qyzmetımen bailanysty boluy mümkın ekenın joqqa şyǧarmaidy.
Jedel ızdestıru şaralary barysynda 1987 jyly tuǧan azamat küdıktı retınde ūstalyp, uaqytşa ūstau izoliatoryna qamaldy.
Qazır būl fakt boiynşa "Adam öltıru" baby boiynşa qylmystyq ıs qozǧaldy. Aiǧaq zattar tärkılenıp, tergeu amaldary jürgızılude.
Aita keteiık, Bibıgül Şpanova Kaşaǧan ken ornyn igeru sekıldı ırı ūlttyq jobalarǧa qatysqan.
Al NCOC (North Caspian Operating Company) – Qazaqstandaǧy mūnai-gaz salasyndaǧy eŋ ırı kompaniialardyŋ bırı. Kompaniia elımızdıŋ teŋızdegı mūnai-gaz ken oryndaryn igeru jobasyn jüzege asyrumen ainalysady.
