Seisenbı künı Ūlybritaniia men AQŞ äskerı Iemende bırlesken äskeri operasiiaǧa qatysty, dep habarlaidy "Adyrna" ūlttyq portaly.
Būl turaly särsenbıde Ūlybritaniia Qorǧanys ministrlıgı mälımdedı.
Būl — britan qaruly küşterınıŋ AQŞ-tyŋ Iemendegı husitterge qarsy belsendı kampaniiasyna alǧaş ret qatysuy. Mälımdemege säikes, soqqy qaraŋǧy tüskennen keiın jasalǧan. Öitkenı būl kezde beibıt tūrǧyndardyŋ aumaqta bolu yqtimaldyǧy tömen bolady.
Britandyq mälımdemede şabuyldyŋ maqsaty — Sana qalasynan oŋtüstıkke qarai şamamen 25 şaqyrym jerde ornalasqan, husitter Qyzyl teŋız ben Aden şyǧanaǧyndaǧy kemelerge şabuyl jasau üşın paidalanatyn drondardy öndıretın ǧimarattar toby bolǧany aitylǧan. Qūrbandar turaly mälımet berılgen joq.
"Būl şaralar husitter tarapynan teŋızdegı erkın navigasiiaǧa töngen tūraqty qauıpke jauap retınde jasalyndy. Qyzyl teŋız arqyly ötetın kemeler sany 55%-ǧa azaidy, būl milliardtaǧan şyǧynǧa äkelıp, aimaqtyq tūraqsyzdyqty küşeitıp, Ūlybritaniiadaǧy otbasylardyŋ ekonomikalyq qauıpsızdıgın qaterge tıktı"— dedı Ūlybritaniianyŋ qorǧanys hatşysy Djon Hili.
Iemendık husitter el astanasy Sanaǧa bırneşe soqqy jasalǧanyn habarlady. Basqa şabuyldar Saada qalasyna baǧyttalǧan.
AQŞ äskerı ötken demalys künderı mälımdegendei, olar nauryz aiynyŋ ortasynan bastap 800-den astam nysanaǧa soqqy jasaǧan.
Eske salsaq, 15 nauryzda AQŞ prezidentı Donald Tramp amerikalyq qaruly küşterge husit köterılısşılerıne joiqyn soqqylar jasauǧa būiryq bergen bolatyn. Aq üi äkımşılıgı İrannyŋ qoldauyna süienetın husitter Qyzyl teŋızde kemelerge şabuyl jasaudy toqtatpaiynşa, olarǧa qarsy şabuyldaryn jalǧastyratynyn mälımdedı.
Būǧan deiın de Ūlybritaniia men AQŞ Iemende bırlesken operasiialar jürgızıp, soqqylar jasaǧan bolatyn.
Düisenbı künı AQŞ husitterge mūnai men gaz jetkızetın kemeler men tasymaldau kompaniialaryna sanksiialar engızdı. Jeksenbı künı AQŞ-tyŋ afrikalyq migranttardy ūstau ortalyǧyna jasaǧan äue şabuyly saldarynan Iemende 68 adam qaza tapty.
