Prezident Qasym-Jomart Toqaev A.N. Syzǧanov atyndaǧy Ūlttyq ǧylymi hirurgiia ortalyǧyn qūttyqtady, dep habarlaidy "Adyrna" ūlttyq portaly.
Prezidenttıŋ keŋesşısı – baspasöz hatşysy Ruslan Jeldıbaidyŋ mälımdeuınşe, jaqynda hirurgiia ǧylymi ortalyǧynyŋ bazasynda Qazaqstanda alǧaş ret kürdelı üş jaqty büirek transplantasiiasy (aiqaspaly büirek auystyru) sättı jüzege asyrylǧan.
Memleket basşysy ortalyq ūjymyna Alǧys hat joldap, belgılı hirurg, professor Bolatbek Baimahanovtyŋ jetekşılıgımen ötken būl operasiiany otandyq medisinanyŋ asa ırı jetıstıgı dep atady.
"Memleket densaulyq saqtau salasyn damytuǧa erekşe köŋıl bölıp keledı. Auqymdy bastamalardyŋ jüzege asyryluy men atqarylǧan ülken jūmystar elımızdıŋ medisinasynyŋ edäuır ılgerıleuıne jol aşty. Sızder jürgızgen bıregei operasiia osynyŋ aiqyn dälelı. Bügınde Qazaqstan osyndai kürdelı transplantasiialyq operasiialar jasalatyn älemdegı alty eldıŋ qataryna kıredı. Būl jetıstık otandyq mamandardyŋ janqiiarlyq eŋbegı, tereŋ bılımı men baǧa jetpes täjıribesınıŋ nätijesı. Sızderge şyn jürekten alǧysymdy bıldıremın. El densaulyǧyn nyǧaitu jolynda aldaǧy uaqytta da aianbai eŋbek etetınıŋızge senemın", – delıngen qūttyqtau hatta.
Üş jaqty aiqaspaly büirek transplantasiiasy – būl üş donor men üş resipient arasynda bır uaqytta jürgızıletın bıregei medisinalyq operasiia.
Mysaly, nauqastyŋ tırı donory (ädette tuysy) bolsa da, ekeuınıŋ aǧzalary säikes kelmeuı mümkın. Ondaida därıgerler osyndai özara säikes kelmeitın bırneşe jūpty tabady. Sodan keiın ärbır donor öz tuysyna emes, säikes keletın basqa nauqasqa büiregın beredı. Nätijesınde, üş nauqas ta özıne säikes keletın büirekke qol jetkızedı.
