Memleket basşysy Qasym-Jomart Toqaev Almaty oblysynyŋ äkımı Marat Sūltanǧazievtı qabyldady. Būl turaly bügın, 28 säuırde Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezidentke Almaty oblysynyŋ 2025 jyldyŋ bırınşı toqsanyndaǧy äleumettık-ekonomikalyq damuy turaly esep berıldı.
Marat Sūltanǧaziev ekonomikanyŋ negızgı sektorlarynda ösım baiqalatynyn baiandady. Atap aitqanda, önerkäsıptık öndırıs kölemı 507,9 milliard teŋgenı, auyl şaruaşylyǧy önımı 97,4 milliard teŋgenı qūraǧan. Şaǧyn jäne orta biznes subektılerınıŋ sany 146,2 myŋǧa jetıp, 7,7 paiyzǧa artqan.
Prezidentke jyl basynan berı 12 jaŋa önerkäsıp jobasynyŋ ıske qosylǧany turaly mälımet berıldı. Onyŋ ışınde «GALANZ bottlers» öndırıs alaŋynyŋ keŋeiuı, «Bartoǧai GES-28» jäne Şaryn özenındegı şaǧyn GES kaskadynyŋ qūrylystary siiaqty auqymdy jobalar bar. Jalpy, öŋırde qūny 2,4 trillion teŋgenı qūraityn 122 joba jüzege asyrylyp jatyr. Nätijesınde 36 776 jūmys orny aşylady.
Memleket basşysyna Qonaev jäne Alatau qalalaryn damytu barysy jönınde aityldy. Jaŋa bas josparǧa säikes, oblys ortalyǧynda «Smart Qonaev» qalany basqarudyŋ bıryŋǧai jüiesı engızılude. Alatau qalasynyŋ bas josparyna tüzetuler jasau jäne kölık-injenerlık infraqūrylymdy jobalau jūmystary bastaldy.
Oblys äkımınıŋ aituynşa, «Jaily mektep» ūlttyq jobasy aiasynda 17 bılım ordasynyŋ qūrylysy qolǧa alynǧan. Būdan bölek, öŋırdegı üş auysymdy oqu mäselesın şeşu üşın memleket-jekemenşık ärıptestık negızınde 19 mektep salu josparlanǧan. 2025-2027 jyldary 91 oqu oşaǧynda kürdelı jöndeu jūmystary jürgızıledı.
Memleket basşysy Qonaev jäne Alatau qalalaryn, jalpy Almaty aglomerasiiasyn damytuǧa qatysty barlyq belgılengen maqsattardy sapaly ärı uaqtyly oryndaudyŋ maŋyzyn atap öttı. Prezident industrialdy aimaqtar men Alatau AEA-nyŋ äleuetın nyǧaituǧa, sondai-aq kommunaldyq jäne eldı mekenderdegı joldardyŋ qūrylysyna basa män berudı tapsyrdy.
