Üşınşı kün. Esıldıŋ suy är ekı saǧat saiyn köterılude

1064
Adyrna.kz Telegram
https://adyrna.kz/content/uploads/2025/04/680ca420af2d7-960x500.jpg?token=ef3c4fac41a4c66fec48765772fdf5de

Soltüstık Qazaqstan oblysyndaǧy Teplichnoe auylynda eldı mekendı su basudan saqtau üşın bögettı bekıtu jūmystary üşınşı kün qatarynan jürgızılude, dep habarlaidy "Adyrna" ūlttyq portaly.

Esıl özenındegı su deŋgeiı älı de köterılıp jatyr. Öŋır äkımı Ǧauez Nūrmūhambetov jaǧdaidy kün saiyn baqylauda ūstap otyr.

"Üş künnen berı täulık boiy jūmys ıstep jatyrmyz. Teplichnoe auylyndaǧy qorǧanys bögetın nyǧaitu barysyn özım tıkelei baqylap jürmın. Keşe 30 myŋ qadam jürsem, bügın de sondai qaşyqtyq jürdım", – dep jazdy Ǧauez Nūrmūhambetov äleumettık jelıdegı paraqşasynda.

Oqiǧa ornynda barlyq qajettı tehnika jūmyldyrylǧan, şatyrlar tıgılgen, tamaqtanu ūiymdastyrylǧan. Jūmysqa 1600-ge juyq adam – käsıporyndar men ūiymdardyŋ qyzmetkerlerı, memlekettık qyzmetkerler, äskeri qyzmetkerler jäne qūtqaruşylar qatysuda.

Sondai-aq, kömekke körşıles öŋırlerden qūtqaru brigadalary kelgen. 90 myŋ qapşyq töselıp, su toltyrylǧan böget ornatyldy. Öŋır äkımı halyqpen kezdesıp, barlyq qiyndyqtarǧa qaramastan kün-tün demei eŋbek etıp jatqan azamattarǧa şynaiy alǧysyn bıldırdı.

"Basty mındet – eldı mekennıŋ tolyq qauıpsızdıgın qamtamasyz etu. Barlyq qauıpter joiylǧanǧa deiın jūmysty jalǧastyramyz", – dedı SQO äkımı.

Qazaqstan Respublikasy Tötenşe jaǧdailar ministrlıgı (TJM) Teplichnoe auylynda bögettı bekıtu jūmystaryna süŋguırler de tartylǧanyn habarlady. Mūndai şaralar jeldıŋ küşeiuıne jäne tolqynnyŋ bögetke tigızetın kerı äserıne bailanysty qabyldanǧan.

Auyl tūrǧyndary 25 säuırde evakuasiialanǧan bolatyn. Är ekı saǧat saiyn Esıl özenındegı su deŋgeiı 1-2 sm-ge köterılude. Su tasqynynyŋ şaryqtau şegı 28-30 säuır künderı kütılude.

Pıkırler