Aqmola oblysy auyl şaruaşylyǧy sanaǧyna daiyndalyp jatyr

Būl turaly oblys äkımınıŋ orynbasary Mūrat Balpannyŋ töraǧalyǧymen ötken äkımdık jinalysynda aityldy. Jiynda aitylǧandai, 2025 jyly Qazaqstan auqymdy statistikalyq nauqanǧa – ūlttyq auyl şaruaşylyǧy sanaǧyna daiyndalyp jatyr. Būl maŋyzdy şara aldaǧy jyldary agrarlyq salanyŋ qalai damitynyna tıkelei äser etpek. Äsırese, el halqynyŋ jartysynan astamy auyl şaruaşylyǧymen ainalysatyn Aqmola oblysy üşın būl sanaqtyŋ maŋyzy erekşe. Sanaqtyŋ basty maqsaty – eldıŋ auyldyq aimaqtarynda naqty ne bolyp jatqanyn şynaiy ärı tolyq körsetu. Atap aitqanda  auylda kım  qandai şaruamen ainalysady, kımnıŋ qanşa jerı, tehnikasy, maly bar, qandai mäselelerı bar jäne memlekettık qoldaudy kımge qalai baǧyttau qajet ekenın anyqtau maqsatynda. Bırınşı kezeŋ 2025 jyldyŋ mausym aiynda bastalady. Būl kezde interviuerler aldyn ala daiyndyq jürgızıp, auyl tūrǧyndarymen jūmysqa kırısedı. Negızgı kezeŋ – 20 qyrküiek pen 20 qazan aralyǧynda ötedı. Būl kezeŋde ırı auyl şaruaşylyǧy käsıporyndarynan bastap, şaǧyn şaruaşylyqtarǧa deiın tügel qamtylady. Azamattarǧa derekterdı tapsyrudyŋ ekı joly ūsynylady: sanaq.gov.kz portalynda onlain türde nemese interviuer arqyly. Bügınde öŋırde jūmys toptary qūrylyp, qyzmetkerlerge oqytu jūmystary jürgızılude. Pilottyq saualnamalar sanaq jüiesınıŋ keŋ auqymdy jūmysqa daiyn ekenın körsettı. Ūiymdastyruşylar atap ötkendei, barlyq derek qūpiia saqtalady, al sanaqqa qatysu – är azamattyŋ auyl bolaşaǧyna qosqan ülesı. Aqmola oblysynyŋ audandarynda sanaqşylar  jūmysyn qamtamasyz etu, tehnikalyq jabdyqtau, kölıkpen qamtu, naqty mekenjailardy anyqtau, saualnama jürgızuge qolaily oryndardy belgıleu siiaqty jūmystar atqarylyp jatyr. Būl sözder tek ūran ǧana emes – ömır şyndyǧy. Agrarlyq sala – elımızdıŋ ekonomikasy men azyq-tülık qauıpsızdıgınıŋ negızı. Sondyqtan būl salanyŋ artynda naqty adamdar, eŋbekkerler, otbasylar tūr. Solardyŋ ünı estılıp, eŋbegı baǧalanuy üşın däl osyndai sanaq maŋyzdy. Qazır auyl tūrǧyndary būl bastamany būrynǧydai formaldylyq emes, öz ömırın, mäselesın, eŋbegın körsetuge mümkındık retınde qabyldai bastady. Al būl – auyldyŋ şynaiy kelbetın aiqyndauǧa jasalǧan ülken qadam.