Tasymaldaýǵa kelmeıtin naýqastardy jáne soǵys ýaqytynda jumysyn jalǵastyratyn uıymdardy qorǵaýǵa arnalǵan azamattyq qorǵanys qurylymdarynyń 70%-dan astamy jeke menshikte ekeni anyqtaldy. Muny 2024 jyly júrgizilgen túgendeý kórsetti. Bul týraly Tótenshe jaǵdaılar mınıstri Shyńǵys Árinov depýtattyq saýalǵa bergen jaýabynda aıtty, dep habarlaıdy “Adyrna” ulttyq portaly Vlast.kz saıtyna siltep.
Buǵan deıin QR Parlamenti Májilisiniń Jalpyulttyq soıal-demokratııalyq partııa (JSDP) frakııasynyń depýtaty Ajar Saǵyndyqova “halyqty baspanamen qamtamasyz etý úshin Qazaqstannyń eldi mekenderindegi zamanaýı qarýdyń zııandy áserin azaıta alatyn barlyq ǵımarattar men qurylystarǵa túgendeý júrgizildi me” degen suraqqa qyzyǵýshylyq tanytqan bolatyn.
Óz jaýabynda mınıstr Shyńǵys Árinov azamattyq qorǵanysqa qurylymy zamanaýı zaqymdaýshy quraldardyń áserinen qorǵaý maqsatynda salynatynyn atap ótti. Bul qurylystar tasymaldaýǵa kelmeıtin naýqastardy, sondaı-aq densaýlyq saqtaý nysandarynyń medıına jáne qyzmet kórsetýshilerdi, sonymen qatar soǵys ýaqytynda jumys isteıtin uıymdardyń negizgi jumys aýysymyn qorǵaýǵa arnalǵan. Mınıstrdiń aıtýynsha, olar tabıǵı sıpattaǵy tótenshe jaǵdaılardan qorǵaýǵa arnalmaǵan.
«Sońǵy bes jylda 70 azamattyq qorǵanys qurylymy jańadan salyndy jáne daıyn kúıge keltirildi. 2024 jylǵy túgendeý nátıjesinde qorǵanys qurylystarynyń jalpy qorynyń ishinde 70%-dan astamy jeke menshikte, al shamamen 30%-y memlekettik menshikte ekeni anyqtaldy. Iesiz qalǵany – 16, jergilikti atqarýshy organdardyń balansynda 71 nysan bar. Olardy kútip-ustaýǵa 2024 jyly 110 mıllıon teńge bólindi», – dedi Árinov.
Sondaı-aq, 2014 jyldan 2024 jylǵa deıin «qorǵaý qasıetterin joǵaltýyna baılanysty» 171 qorǵanys nysany esepten shyǵarylǵan.
Mınıstr qorǵanys qurylystarynyń sany men jaı-kúıi týraly aqparat «qyzmettik paıdalaný úshin» ǵana ekenin, sondyqtan olardyń daıyndyǵy Qaýipsizdik keńesiniń otyrystarynda qaralatynyn aıtty.
Jalpy alǵanda, qazirgi zamanǵy zaqymdaýshy quraldardyń áserinen halyqty qorǵaý úshin qarapaıym jasyrynatyn oryndar – jertóleler, okoldy qabattar, jerasty avtoturaqtar, saýda úıleriniń parkıngteri, jeke ornalasqan jer asty qurylystary, metropolıtender, jerasty ótkelder jáne t.b. bar. TJM málimetinshe, Qazaqstanda mundaı jasyrynatyn oryndar sany – shamamen 14,5 myń, olarda 15 mıllıonǵa jýyq adam panalaı alady.
Sonymen qatar, aýqymdy tótenshe jaǵdaılar kezinde zardap shekken halyqty qabyldaıtyn 3 952 pýnkt daıyndalǵan. Bul pýnktter zardap shekkenderdi jınaýǵa, tirkeýge, ýaqytsha ornalastyrýǵa, alǵashqy qajetti zattarmen qamtamasyz etýge, medıınalyq kómek kórsetýge jáne qaýipsiz aýdandarǵa evakýaııalaýǵa arnalǵan.
«Halyqty aqparattandyrý jáne zardap shekken halyqty qabyldaý pýnktterine eń ońtaıly marshrýttardy jedel qurý maqsatynda TJM-niń bastamasymen bul pýnktter «2GIS» jáne «Iandeks karta» platformalaryna engizildi», – dedi Árinov.
Eń kóp pýnkt Almatyda – 545, Jambyl oblysynda – 423, Almaty oblysynda – 417. Eń az sany Astanada – 16 jáne Batys Qazaqstan oblysynda – 14.
