Tasymaldauǧa kelmeitın nauqastardy jäne soǧys uaqytynda jūmysyn jalǧastyratyn ūiymdardy qorǧauǧa arnalǧan azamattyq qorǧanys qūrylymdarynyŋ 70%-dan astamy jeke menşıkte ekenı anyqtaldy. Mūny 2024 jyly jürgızılgen tügendeu körsettı. Būl turaly Tötenşe jaǧdailar ministrı Şyŋǧys Ärınov deputattyq saualǧa bergen jauabynda aitty, dep habarlaidy “Adyrna” ūlttyq portaly Vlast.kz saityna sıltep.
Būǧan deiın QR Parlamentı Mäjılısınıŋ Jalpyūlttyq sosial-demokratiialyq partiia (JSDP) fraksiiasynyŋ deputaty Ajar Saǧyndyqova “halyqty baspanamen qamtamasyz etu üşın Qazaqstannyŋ eldı mekenderındegı zamanaui qarudyŋ ziiandy äserın azaita alatyn barlyq ǧimarattar men qūrylystarǧa tügendeu jürgızıldı me” degen sūraqqa qyzyǧuşylyq tanytqan bolatyn.
Öz jauabynda ministr Şyŋǧys Ärınov azamattyq qorǧanysqa qūrylymy zamanaui zaqymdauşy qūraldardyŋ äserınen qorǧau maqsatynda salynatynyn atap öttı. Būl qūrylystar tasymaldauǧa kelmeitın nauqastardy, sondai-aq densaulyq saqtau nysandarynyŋ medisina jäne qyzmet körsetuşılerdı, sonymen qatar soǧys uaqytynda jūmys ısteitın ūiymdardyŋ negızgı jūmys auysymyn qorǧauǧa arnalǧan. Ministrdıŋ aituynşa, olar tabiǧi sipattaǧy tötenşe jaǧdailardan qorǧauǧa arnalmaǧan.
«Soŋǧy bes jylda 70 azamattyq qorǧanys qūrylymy jaŋadan salyndy jäne daiyn küige keltırıldı. 2024 jylǧy tügendeu nätijesınde qorǧanys qūrylystarynyŋ jalpy qorynyŋ ışınde 70%-dan astamy jeke menşıkte, al şamamen 30%-y memlekettık menşıkte ekenı anyqtaldy. İesız qalǧany – 16, jergılıktı atqaruşy organdardyŋ balansynda 71 nysan bar. Olardy kütıp-ūstauǧa 2024 jyly 110 million teŋge bölındı», – dedı Ärınov.
Sondai-aq, 2014 jyldan 2024 jylǧa deiın «qorǧau qasietterın joǧaltuyna bailanysty» 171 qorǧanys nysany esepten şyǧarylǧan.
Ministr qorǧanys qūrylystarynyŋ sany men jai-küiı turaly aqparat «qyzmettık paidalanu üşın» ǧana ekenın, sondyqtan olardyŋ daiyndyǧy Qauıpsızdık keŋesınıŋ otyrystarynda qaralatynyn aitty.
Jalpy alǧanda, qazırgı zamanǧy zaqymdauşy qūraldardyŋ äserınen halyqty qorǧau üşın qarapaiym jasyrynatyn oryndar – jertöleler, sokoldy qabattar, jerasty avtotūraqtar, sauda üilerınıŋ parkingterı, jeke ornalasqan jer asty qūrylystary, metropolitender, jerasty ötkelder jäne t.b. bar. TJM mälımetınşe, Qazaqstanda mūndai jasyrynatyn oryndar sany – şamamen 14,5 myŋ, olarda 15 millionǧa juyq adam panalai alady.
Sonymen qatar, auqymdy tötenşe jaǧdailar kezınde zardap şekken halyqty qabyldaityn 3 952 punkt daiyndalǧan. Būl punktter zardap şekkenderdı jinauǧa, tırkeuge, uaqytşa ornalastyruǧa, alǧaşqy qajettı zattarmen qamtamasyz etuge, medisinalyq kömek körsetuge jäne qauıpsız audandarǧa evakuasiialauǧa arnalǧan.
«Halyqty aqparattandyru jäne zardap şekken halyqty qabyldau punktterıne eŋ oŋtaily marşruttardy jedel qūru maqsatynda TJM-nıŋ bastamasymen būl punktter «2GİS» jäne «Iаndeks karta» platformalaryna engızıldı», – dedı Ärınov.
Eŋ köp punkt Almatyda – 545, Jambyl oblysynda – 423, Almaty oblysynda – 417. Eŋ az sany Astanada – 16 jäne Batys Qazaqstan oblysynda – 14.
