Qorǵanys mınıstrligi Batys Qazaqstan oblysynda ushqan drondardyń qulaýyn Reseı-Ýkraına konflıktimen baılanystyrdy, dep habarlaıdy "Adyrna" ulttyq portaly «Za namı ýje vyehalı» basylymyna siltep.
Mınıstrlik ókilderiniń aıtýynsha, Qazaqstan aýmaǵynda drondardyń paıda bolýynyń eń yqtımal sebebi – olardy Reseı-Ýkraına qaqtyǵysy barysynda qoldaný. Mundaı ınıdentter basqa memleketterde, sonyń ishinde Rýmynııa, Moldova, Belarýs, Bolgarııa, Polsha jáne Horvatııada da bolǵan.
Qazirgi ýaqytta Qazaqstan qorǵanys mınıstrligi sheteldik seriktestermen konsýltaııalar ótkizip, drondardyń múmkin ıelerin anyqtaýdy jalǵastyrýda. Sonymen qatar, ushý traektorııasyn ózgertý maqsatynda tehnıkalyq aralasý nusqasy qarastyrylýda.
Mınıstrliktiń málimdemesine sáıkes, Batys Qazaqstan oblysynda drondardyń qulaýy faktileri boıynsha tergeý júrgizilýde. Bul tergeý QR Qylmystyq kodeksiniń 464-baby 1-bóligi – «Ushý erejelerin buzý nemese ushýǵa daıyndyqty buzý» boıynsha júrgizilýde. Tergeý jumysy Qazaqstan Respýblıkasynyń Ishki ister mınıstrliginiń áskerı-tergeý departamenti men Qarýly Kúshteriniń mamandarynyń qatysýymen júzege asyrylýda.
Qorǵanys mınıstrligi bul oqıǵalardyń eshqandaı adam qazasyna nemese materıaldyq zalalǵa ákelmegenin atap ótti. Sonymen qatar, Qazaqstannyń áýe qorǵanys júıesi shtattyq rejımde jumys istep, áýe keńistigin baqylaýdy kúsheıtý úshin qosymsha sharalar qabyldaýda.
Eske sala ketsek, Batys Qazaqstan oblysynda birneshe ret drondardyń qaldyqtary tabyldy. 18 aqpan kúni Uıaly aýylynda, 18 naýryzda Atameken aýylynda jáne 25 naýryzda Jánibek aýdanynda drondardyń bólikteri tabylǵan.
