Úndistannyń Baısaran ańǵarynda lańkestik shabýyl jasaldy. Kýágerlerdiń aıtýynsha, kamýflıaj kıgen eki qarýly adam týrısterge oq jaýdyrǵan, dep habarlaıdy "Adyrna" ulttyq portaly Úndistan telearnasyna silteme jasap.
Olar atpen serýendep júrgen týrısterge baǵytsyz oq atqan.
News18 India telearnasynyń habarlaýynsha, shabýyl jasaǵandardyń «Lashkar-e-Taıba» uıymymen baılanysy bolýy múmkin.
Oqıǵa saldarynan kem degende 27 adam qaza taýyp, taǵy 12 adam jaralanǵan. Dárigerlerdiń málimetinshe, jaralanǵandardyń jaǵdaıy turaqty.
Jaralanǵandardyń tizimi boıynsha, olardyń barlyǵy Úndistan azamattary ekeni belgili boldy.
Aımaq basshysy Omar Abdýllanyń aıtýynsha, qaza tapqandardyń naqty sany ázirge resmı túrde rastalmaǵan. Qazir óńirde lańkesterge qarsy arnaıy operaııa júrgizilýde. Qandy oqıǵa týrıster kóp jınalatyn Pahalgam qalasynda bolǵan. Aldyn ala málimet boıynsha, qarýly sodyrlar toptanyp beıbit halyqqa oq jaýdyrǵan.
«Bul sońǵy jyldardaǵy beıbit turǵyndarǵa jasalǵan eń iri shabýyl,» – dep jazdy Omar Abdýlla áleýmettik jelidegi paraqshasynda.
Úndistan premer-mınıstri Narendra Modı Pahalgamdaǵy teraktini qatań aıyptap, qaza bolǵandardyń otbasyna kóńil aıtty jáne jaralanǵandarǵa tez saýyǵyp ketýdi tiledi.
«Bul jantúrshigerlik áreketti uıymdastyrǵandar jaýapsyz qalmaıdy! Biz terrorızmdi túp-tamyrymen joıýǵa bel býyp otyrmyz», – dep málimdedi Modı áleýmettik jelidegi úndeýinde.
Úndistanǵa saparlap barǵan AQSh vıe-prezıdenti Djeı Dı Vens te úndi halqyna qaıǵyryp kóńil aıtty.
