Reseidıŋ Vladimir oblysyndaǧy Kirjach audanynda ornalasqan äskeri bölım aumaǧynda oq-därılerdıŋ detonasiiasynan keiın jarylys boldy, dep habarlaidy "Adyrna" ūlttyqq portaly DW-ge sılteme jasap.
Resei Qorǧanys ministrlıgı jarylystyŋ qauıpsızdık talaptarynyŋ būzyluynan bolǧanyn mälımdep, kınälıler jauapqa tartylatynyn aitty. Örttı söndıruge äskeri bölım men TJM mamandary jūmyldyrylǧan.
Telegram-daǧy Astra arnasynyŋ habarlauynşa, jarylys Barsovo kentınıŋ janynda ornalasqan qorǧanys ministrlıgınıŋ bas zymyran-artilleriialyq basqarmasyna qarasty 51-şı arsenal aumaǧynda bolǧan. Ukrainalyq Defence Express äskeri portaly būl qoimanyŋ jalpy aumaǧy şamamen 3,5 şarşy şaqyrym ekenın atap öttı.
Kirjach audanynda tötenşe jaǧdai jariialandy. Vladimir oblysynyŋ gubernatory Aleksandr Avdeevtıŋ aituynşa, jarylystar yqtimal qauıp töndıruı mümkın aumaqtardan tūrǧyndardy evakuasiialau jürgızılıp jatyr, barlyq tötenşe qyzmetter jūmyldyrylǧan.
Baza Telegram-arnasy äskeri bölım aumaǧynda 10-11 jarylys bolǧanyn habarlady.
Aldyn ala mälımet boiynşa, oq-därılerdıŋ jaryluy saldarynan äskeri bölımde zardap şekkender joq. Alaida bır jergılıktı tūrǧyn minaly-jarylys jaraqatyn alyp, auruhanaǧa jatqyzylǧan. Ol snariad tüsıp ketken kezde jaralanǧan.
