Astanada äiel balalarymen bırge terezeden sekırmek bolǧan. Elordalyq tärtıp saqşylary qaiǧyly oqiǧanyŋ aldyn aldy, dep habarlaidy «Adyrna» tılşısı.
«9-şy qabattaǧy päterdıŋ terezesınen ekı balasymen äieldıŋ sekıreiın dep jatqanyn estıgen avtopatrul oqiǧa ornyna bardy. Bırınşı bolyp №26 uchaskelık polisiia punktınıŋ polisiia bölımşesınıŋ aǧa inspektory Asqar Papyşev özınıŋ serıktesı Eldos Nūǧmanovpen bırge jettı. Olar audan tūrǧyndarymen jiyn ötkızıp jatqan bolatyn. 9-şy qabatqa köterılgen poliseiler ülken balanyŋ äkesımen bırge tūrǧanyn kördı. Al kışı balasyn äiel özı ūstap tūryp, oǧan bıreu jaqyndasa, sekıretının aityp aiqailaǧan. Tärtıp saqşylarynyŋ bırı äieldı sözge tartyp, mūndai qadamǧa barmauyn ötınıp jatqanda, ekınşı polisei formasyn azamattyq kiımge auystyryp, sosyn päterge kırıp, baiqamai jaqyndap, bır qolymen balanyŋ qolynan, ekınşı qolymen anasyn myqtap ūstap alyp, bölmege qarai tartyp kırgızdı»,—dep tüsındırdı Işkı ı ster ministrlıgı.24 jastaǧy äieldıŋ otbasylyq janjaldan keiın osyndai äreketke bel buǧany belgılı boldy. Onyŋ küieuıne qatysty Äkımşılık qūqyq būzuşylyq turaly kodekstıŋ 73-babynyŋ 1-bölıgı «Otbasylyq-tūrmystyq qatynastar salasyndaǧy qūqyqqa qaişy äreketter» boiynşa äkımşılık hattama toltyryldy. Otbasy erekşe baqylauǧa alyndy. Äiel balalarymen bırge Astana qalasynyŋ daǧdarys ortalyǧyna ornalastyryldy. Onymen profilaktikalyq äŋgıme jürgızılıp, psihologiialyq kömek körsetıldı.
Ūqsas jaŋalyqtar
