Búgin Almatyda ótken marafon kezinde eki qatysýshy qaza tapty, dep habarlaıdy "Adyrna" ulttyq portaly Almaty Marathon resmı saıtyna silteme jasap.
Resmı derekterge sáıkes, 20 sáýir kúni ótken Almaty Half Marathon kezinde 84 jastaǵy Aqqoıan Rysalıev pen 21 jastaǵy Nurbol Ahmadı qaıtys boldy. Ekeýi de 21,1 shaqyrymdyq jartylaı marafon qashyqtyǵyn eńserýge qatysqan jáne Almatydaǵy júgirý sharalaryna únemi qatysyp júrgen.
Uıymdastyrýshylar barlyq erejelerge saı áreket etkenin málimdedi. Medıınalyq qyzmet, jedel járdem jáne polıııa jedel túrde oqıǵa ornyna jetken. Alaıda qabyldanǵan sharalarǵa qaramastan, olardyń ómirin aman alyp qalý múmkin bolmaǵan.
Jartylaı marafon 20 sáýir kúni tańerteń birinshi prezıdent saıabaǵynan Ortalyq stadıonǵa deıingi baǵytta ótti. Aqqoıan Rysalıev 2021 jyldan beri júgirý jarystaryna turaqty túrde qatysyp kelgen. Buǵan deıin ol Almaty Half Marathon jáne Almaty Marathon aıasynda 21,1 jáne 10 shaqyrymdyq qashyqtyqtardy sátti eńsergen.
Marafon kezinde Ál-Farabı dańǵyly boıyndaǵy birinshi shaqyrymda ol adam ózin jaısyz sezingen. Bir mınýttyń ishinde jedel járdem jetken, alaıda onyń tamyry soqpaǵan.
"08:15-te polıııa qyzmetkerleri qatysýshynyń qulaǵanyn habarlady. Jedel járdem bir mınýt ishinde jetti, pýls bolmady. Reanımaııalyq sharalar hattamaǵa saı júrgizildi. Aldyn ala dıagnoz – ókpe arterııasynyń tromboembolııasy. Sozylmaly arterııalyq gıpertenzııasy bolǵan", – dedi jedel járdem dárigeri Álibek Hojanazarov.
Qaıtys bolǵan ekinshi marafon qatysýshysy – Nurbol Ahmadı – buǵan deıin Winter Run 2025 aıasyndaǵy 10 shaqyrymdyq jarysqa qatysqan. Ol Astana men Almatydaǵy jartylaı marafondarǵa jáne Almaty marafonyna tirkelgen.
20 sáýir kúni marafon barysynda 16-shy shaqyrymda júgirip kele jatqan Nurbol esinen tanyp qalǵan. Jedel járdem qyzmetkerleri reanımaııalyq kómek kórsetkenimen, nátıje bolmaǵan – ólim brıgada kelgenge deıin tirkelgen.
"Biz kelgen kezde, 09:18-de, uıqy arterııasynda pýls bolmady, tynys alýy joq, qan qysymy nól. Reanımaııalyq sharalar hattamaǵa saı júrgizildi, biraq sátsiz boldy. Ólim 103 brıgadasy kelgenge deıin oryn alǵan. Aldyn ala dıagnoz – ókpe arterııasynyń tromboembolııasy, júrektiń jiti jetispeýshiligi", – dep túsindirdi brıgada dárigeri Aıgerim Esdáýletova.
Medıına qyzmetkerleriniń aıtýynsha, naqty ólim sebebi sot-medıınalyq saraptama nátıjesi boıynsha anyqtalady jáne jaqyndaryna jaqyn ýaqytta habarlanatyn bolady.
«Birinshi bolý batyldyq» korporatıvtik qorynyń atqarýshy dırektory Saltanat Qazybaeva qatysýshylardyń qaýipsizdigi – uıymdastyrýshylar úshin basymdyq ekenin atap ótti.
"Júgirýge tirkelý kezinde barlyq qatysýshylar ózderiniń sporttyq sharaǵa qatysýǵa fızıkalyq turǵyda daıyn ekenin jáne densaýlyǵyna tolyq jaýapty ekenin rastaıtyn qolhatqa qol qoıady. Bul – álemdegi marafondardy uıymdastyrýda qoldanylatyn qalypty tájirıbe. Almaty Marathon qatysýshylary úshin jyl boıy biz tegin jattyǵýlar men qaýipsiz júgirý týraly sarapshylarmen ashyq dárister ótkizemiz. Jarys kúni árbir sý ishý beketinde alǵashqy medıınalyq kómek kórsetýge qajetti qural-jabdyqtarmen jabdyqtalǵan medıına qyzmetkerleri bolady. Barlyq júgirý marshrýttary aldyn ala muqııat ázirlenip, polıııa jáne jedel medıınalyq járdem qyzmetimen kelisilip jasalady", – dedi Saltanat Qazybaeva.
«Birinshi bolý batyldyq» korporatıvtik qory qaza tapqandardyń otbasyna qaıǵyra kóńil aıtady. Uıymdastyrýshylar marqumdardyń otbasylarymen baılanysqa shyǵyp, materıaldyq kómek kórsetýdi josparlap otyr.
