Máskeý monshasyndaǵy reıd. Reseı SIM túsinikteme berdi

1201
Adyrna.kz Telegram
Foto: inform.kz
Foto: inform.kz

Máskeýdegi «Bodrost» monshasynda qyrǵyzdardy ustaýdyń qatal ádisteri mıgranttardyń tártip saqshylaryna qarsylyq kórsetýimen túsindiriledi. Bul týraly Reseıdiń SIM reıd kezinde «shamadan tys kúsh qoldaný» týraly áleýmettik jelidegi aqparatqa túsinikteme bere otyryp, RIA Novostı jarııalady, dep habarlaıdy “Adyrna” ulttyq portaly.

«Bar málimetke sáıkes, operaııa barysynda shetel azamattary quqyq qorǵaý qyzmetkerlerine qarsylyq kórsetken. Sol sebepti bul sheteldikterge qatysty tıisti sharalar qoldanylǵan. Bul rette kúsh qurylymdary ókilderi Reseı zańnamasy aıasynda jáne óz quzyreti sheńberinde áreket etti», – dedi SIM ókilderi.

Mınıstrlik bul tekserý josparly bolǵanyn jáne naqty bir eldiń azamattaryna baǵyttalmaǵanyn atap ótti. Reıd barysynda 59 shetel azamaty ustalǵan, olardyń 25-i Reseıde kóshi-qon zańnamasyn buzyp júrgen. SIM málimetinshe, ustalǵandardyń keıbiri radıkaldy toptarmen baılanysta degen kúdikke ilingen.

Osy arada Qyrǵyzstannyń Adam quqyqtary jónindegi ýákili Jamılıa Jamanbaeva reseılik áriptesi Tatıana Moskalkovamen kezdesýde «Bodrost» monshasyndaǵy kúsh qoldanýdyń «qalypqa saı bolýyna» alańdaýshylyq bildirdi.

«Beınejazbalardy qaraý kezinde Qyrǵyz Respýblıkasynyń azamattaryn jappaı ustaý barysynda kúsh qoldanýdyń sáıkestigi men negizdiligi týraly suraqtar týyndaıdy. Qyrǵyzstan azamattaryna qatysty qandaı da bir ákimshilik nemese kúshtik sharalar olardyń proessýaldyq quqyqtarynyń kepildigi men halyqaralyq mindettemelerdi saqtaı otyryp júrgizilýi kerek. Qyrǵyzstan – Eýrazııalyq ekonomıkalyq odaqtyń tolyqqandy múshesi», – dedi Jamanbaeva.

Moskalkova bul oqıǵaǵa ózi de nazar aýdarǵanyn, onyń ótinishinen keıin Reseıdiń prokýratýrasy men kóshi-qon organdary «Bodrosttaǵy» jaǵdaıǵa baılanysty tekserý bastaǵanyn aıtty.

Aıta keteıik, oqıǵa 10 sáýir kúni, Qyrǵyzstan týmasy ári Reseı azamattyǵyn alǵan adamnyń menshigindegi monsha kesheninde oryn alǵan. Jarııalanǵan foto jáne beınejazbalarda arnaıy jasaq sarbazdarynyń monsha qonaqtaryn uryp, olardy betimen jerge jatqyzyp, eńbektetip nemese tizerlete jyljytyp júrgeni, jerde jatqan adamdardyń ústimen basyp ótkenderi kórinedi.

Osyǵan baılanysty Reseıdiń Qyrǵyzstandaǵy elshisi Sergeı Vakýlov Qyrǵyzstan SIM-ne shaqyrylyp, oǵan qyrǵyz azamattaryn qatań ustaýǵa baılanysty túsinikteme berý talaby bar nota tabystaldy. Reseı tarapyna sondaı-aq Qyrǵyzstan azamattarynyń quqyqtaryn qorǵaýǵa naqty sharalar qabyldaý jáne mundaı jaǵdaılardyń qaıtalanýyna jol bermeý qajettigi aıtyldy, óıtkeni bul jaǵdaı qyrǵyz-reseılik odaqtastyq pen strategııalyq áriptestik qarym-qatynastarǵa nuqsan keltirýi múmkin.

Qyrǵyzstannyń Máskeýdegi Eńbek, áleýmettik qamsyzdandyrý jáne kóshi-qon mınıstrliginiń ókildigi Reseıdiń bas prokýratýrasyna, IIM-ge, Máskeý prokýratýrasyna, reseılik ombýdsmenge jáne basqa da mekemelerge osy oqıǵaǵa baılanysty shara qabyldaý jóninde ótinish joldady.

Реклама
  • ИП Попов А.П.
  • ИНН: 602715631406
Позвали Таню, и жены начали уводить мужей. Не стесняется стыдобы
Реклама
  • ИП Попов А.П.
  • ИНН: 602715631406
Муж поднял потенцию за 1 минуту! Использовал этот метод
Реклама
  • ИП Попов А.П.
  • ИНН: 602715631406
Пенсионерка: "Мне 98, а суставы как в 16 лет! На ночь мажу…
Pikirler