Belgili aqyn Muhtar Shahanovtyń burynǵy zaıyby, ǵalym, pedagog Rozalında Áshirbaıqyzy Shahanova dúnıeden ótti, dep habarlaıdy “Adyrna” ulttyq portaly.
Rozalında Shahanova – 1951 jyly 25 tamyz kúni Pavlodar qalasynda dúnıege kelgen. QyzPU-dyń «Orys tili men ádebıeti» mamandyǵyna túsip, ony 1974 jyly támamdaǵan. Bes jylǵa jýyq orta mektepte tárbıeshi jáne orys tili men ádebıeti muǵalimi bolyp jumys istegen.
Rozalında Shahanova 1990 jyly kandıdattyq dıssertaııasyn tabysty qorǵap shyqqan. 1993 jyly «Qazaq tili men ádebıeti» mamandyǵy boıynsha ekinshi joǵary bilim týraly dıplom alǵan. Sonymen qatar sol jyly doent ǵylymı ataǵyna ıe boldy.
1991-2004 jj. Q.Sátbaev atyndaǵy QazUTZÝ qazaq tili kafedrasynyń meńgerýshisi. 2004-2008 jj. Qazaq memlekettik qyzdar pedagogıkalyq ınstıtýtynyń (qazir ýnıversıtet) oqý-ádistemelik jumystary jónindegi prorektor, 2008-2011 jj. Abaı atyndaǵy QazUPÝ psıhologııa jáne pedagogıka fakýltetiniń dekany, 2011-2014 jj. Abaı atyndaǵy QazUPÝ magıstratýra jáne doktorantýra ınstıtýtynyń fılologııalyq mamandyqtar kafedrasynyń meńgerýshisi qyzmetin atqardy. 2014-2017 jj. jyldan bastap, Abaı atyndaǵy QazUPÝ Fılologııa jáne kóptildi bilim berý ınstıtýtynyń praktıkalyq tilder kafedrasynyń meńgerýshisi boldy. 200-den astam ǵylymı eńbekteri bar. Onyń ishinde monografııalar, oqýlyqtar jáne oqý quraldary.
