Talǵar qalasynda qaza tapqan 16 jastaǵy Sherzat Polattyń ólimine baılanysty sot isi jalǵasyp jatyr. 17 sáýir kúni ótken sot otyrysynda kúdiktilerdiń basym bóligi óz kinálaryn moıyndaýdan bas tartty, dep habarlaıdy “Adyrna” ulttyq portaly.
Sot barysynda prokýror aıyptaý aktilerin jarııalaǵan soń, sýdıa Erjan Januzaqov sottalýshylardan kinálaryn moıyndaıtyndaryn surady.
Abzal Shynasyl — buzaqylyq boıynsha kinásin jartylaı moıyndaǵanymen, “Adam óltirý” babyn moıyndamady. Al Ravıl Sakıev — kinásin tolyqtaı joqqa shyǵardy. Shyńǵys Belǵojaev — kinásin moıyndaǵanymen, is materıaldarynda sáıkessizdikter bar ekenin alǵa tartty. Azamat Toqtaýbaev pen Nurbol Toqtaýbaev — kinálaryn ishinara moıyndady.
“Oqıǵa ornynda boldym, biraq qolymda pyshaq bolǵan joq. Men de urlyq jasaǵanymdy moıyndamaımyn, telefondy aldym, biraq urlyq nıetimen emes”, – dedi Azamat Toqtaýbaev.
Darhan Áskentaı, Nurqııas Ilııasov, Dıdar Qalııahmet jáne Dýman Ysqaq – kinálaryn tolyq moıyndamady.
Sot proesi 18 sáýir kúni saǵat 10:00-de jalǵasady.
Aıta keteıik, buǵan deıin ótken otyrysta prokýror árbir sottalýshyǵa qatysty aıyptaý aktisin oqyǵan bolatyn.
