Astana qalasynyŋ äkımı Jeŋıs Qasymbek LRT jobasyna qatysty jolaqy qūnyna bailanysty sūraqqa jauap berdı, dep habarlaidy “Adyrna” ūlttyq portaly.
Saraişyk audanynda ötken eseptık kezdesude qala basşysy LRT-ǧa jolaqy naqty bekıtılmegenın aitty.
“Jobalyq esep boiynşa jolaqy 100-den 200 teŋgege deiın bolady dep josparlanǧan. Äzırge osy diapazonda saqtalyp otyr”, – dedı Jeŋıs Qasymbek.
Būǧan deiın äkım LRT qūrylys jūmystary 2025 jyldyŋ jazynda tolyq aiaqtalatynyn mälımdegen bolatyn.
Kezdesu barysynda tūrǧyndar aula aumaqtaryn abattandyru, qoǧamdyq keŋıstıkterdı damytu, köşe jaryǧy, kögaldandyru, qoǧamdyq kölıktıŋ qoljetımdılıgı jäne äleumettık infraqūrylymdy jetıldıru mäselelerın de köterdı.
Aita keteiık, LRT jobasy aiasynda Kabanbai batyr daŋǧyly boiynda ornalasqan halyqaralyq äuejai maŋyndaǧy stansiianyŋ ışkı körınısı körsetıldı. Onda eskalatorlar, interaktivtı ekrandar men jaryq mol tüsetın ülken terezeler qarastyrylǧan. Sondai-aq jolauşylarǧa arnalǧan lifter ornatylǧan.
Ūqsas jaŋalyqtar
