Astana qalasynyń ákimi Jeńis Qasymbek LRT jobasyna qatysty jolaqy qunyna baılanysty suraqqa jaýap berdi, dep habarlaıdy “Adyrna” ulttyq portaly.
Saraıshyk aýdanynda ótken eseptik kezdesýde qala basshysy LRT-ǵa jolaqy naqty bekitilmegenin aıtty.
“Jobalyq esep boıynsha jolaqy 100-den 200 teńgege deıin bolady dep josparlanǵan. Ázirge osy dıapazonda saqtalyp otyr”, – dedi Jeńis Qasymbek.
Buǵan deıin ákim LRT qurylys jumystary 2025 jyldyń jazynda tolyq aıaqtalatynyn málimdegen bolatyn.
Kezdesý barysynda turǵyndar aýla aýmaqtaryn abattandyrý, qoǵamdyq keńistikterdi damytý, kóshe jaryǵy, kógaldandyrý, qoǵamdyq kóliktiń qoljetimdiligi jáne áleýmettik ınfraqurylymdy jetildirý máselelerin de kóterdi.
Aıta keteıik, LRT jobasy aıasynda Kabanbaı batyr dańǵyly boıynda ornalasqan halyqaralyq áýejaı mańyndaǵy stanııanyń ishki kórinisi kórsetildi. Onda eskalatorlar, ınteraktıvti ekrandar men jaryq mol túsetin úlken terezeler qarastyrylǵan. Sondaı-aq jolaýshylarǵa arnalǵan lıfter ornatylǵan.
