Álemge tanymal qazaqstandyq ánshi Dımash Qudaıbergen qazaqstandyqtardyń onyń jańa hıti – «Bir aspannyń hıkaıasy» ánin qyzý talqylap jatqanyna qatysty pikir bildirdi, dep habarlaıdy “Adyrna” ulttyq portaly.
Bul týraly ánshi 15 sáýir kúni Instagram paraqshasynda jazdy.
«Sálem, dostar! Búgin áleýmettik jelilerde jerlesterimniń «Bir aspannyń hıkaıasy» týyndymdy qyzý talqylap jatqanyn bildim. Aıtady ǵoı, eger seni mazaqtasa – demek, sen tirisiń jáne qyzyqsyń. Shyǵarmashylyq ázilderińiz ben kóńil bólgenderińiz úshin rahmet. Al meniń álemdegi súıikti tyńdarmandaryma – árdaıym meni qorǵap, shynaıylyq pen jaqsylyqty jaqtaǵandaryńyz úshin úlken rahmet. Sizderdiń sózderińiz men úshin – naǵyz mýzykadaı. 26 mamyrda Almatyda ótetin D&Dears keshinde jolyǵaıyq. Bıletter Ticketon.kz saıtynda satylymda», – dep jazdy Dımash.