Shymkentte áıgili altyn satýmen aınalysqan "Nazira Gold" kompanııasynyń basshysy Nazıra Bıbosynqyzyn qamaýǵa alǵannan keıin jaqtastary ádildik surap, Prezıdent pen Bas prokýratýraǵa úndeý jasady. Úshinshi megapolıske jınalǵan bir top qaýymnyń máselesin «Adyrna» tilshisi tyńdap qaıtty.
Qarjy monıtorıngi agenttiginiń Shymkent qalasy boıynsha departamenti "Nazira Gold" kompanııasynyń basshysy Nazıra Bıbosynqyzyn «qarjy pıramıdasy retinde jumys istegen» dep aıyptap, 21 aqpan kúni qamaýǵa alǵan bolatyn.
Atalmysh kompanııa ózin zergerlik buıymdar satýmen aınalysatyn zańdy uıym retinde kórsetken. Instagram jelisinde on myńnan astam oqyrmany bar Nazıra Bıbosynqyzy salymshylarǵa aı saıyn 20-40% tabys berip otyrǵan kórinedi. Alaıda BAQ-ta taraǵan aqparat boıynsha Nazıranyń shotyna aqsha salǵan jańa qatysýshylar paıda kórmegen, óz qarajatyn qaıtara almaǵan. Al olardyń qarjysyn burynǵylarǵa tóleý úshin paıdalanǵan degen kúdik te tarady.
21 aqpan kúni onyń úıin tintý barysynda 374 mıllıon teńge qolma-qol aqsha men jalpy quny 300 mıllıon teńgeden asatyn 12 kılogramm altyn buıymdar tárkilengen.
«BIZGE SYILYQTAR BERETIN»
13 sáýir kúni jıynǵa kelgen Nazıranyń jaqtastary bul (red. aqsha men altyn) olarǵa tıesili ekenin aıtyp otyr.
«Búgin Nazırany qoldap keldik. Salǵan aqshamyzdy talap etip otyrmyz. Nazıranyń bostandyqqa shyǵýyn talap etemiz! Men ózim bul jaqqa 4 mln salǵanmyn. Joldasym men týystarym bilmeıdi. Biz Nazıradan eshqandaı jamanshylyq kórgen emespiz. Men oǵan aqshany jeltoqsan aıynan bastap saldym. Eshqandaı qarajatymyzdy jemegen, artyǵymen, syılyqtarymen qosa beretin. Ár salǵanda 200 myńdaı, salǵan aqshamyzdyń paıyzyn alyp otyrdyq. Men onyń adal jumys istegenine senimdimin.Ol óte aqkóńil bolǵan. Meniń oıymsha, Nazırany bireý qoldan ustap berdi. Bizdiń qyzdyń bir gramm kinási joq. Ol óz jumysyn jalǵastyrýy tıis», - deıdi Ulbala Adyrbekova.
«Nazıra túrmege emes, qurmetke laıyq!», «Nazıraǵa bostandyq!», «Nazırany emes, ádiletsizdikti qamaıyq!» dep urandatqan bir top salymshy Shymkenttegi «Jeti jol» atty toıhanaǵa jınaldy. «Nazıra halyqtyń qyzy!» dep fýtbolka kıip, narazylyq qaǵazdaryn ustap, «Bostandyq» dep qol shapalaqtady.
«Men ózim Sháýildirdiń turǵynymyn. Medıına qyzmetkerimin. Basynda 500 myń teńge salǵanmyn. Keıin ústinen qostym, Qazir 3.5 mln teńge salyp jiberdim. Bizde kelisimshart, qol qoıý bolmady. Instagram jelisinen bir jyl boıy kórip, aqsha saldym, altyn taǵaıyn dep oıladym. Bizge syılyqtar berip otyrdy. Bonýs retinde kópshilikke altyn taqty. Densaýlyǵy nashar adamdarǵa aqsha berip, kómek berip otyratyn. Jaǵdaıy tómen otbasyǵa da kómektesti. Bizge de «qaıyrymdylyq jasa» dep aqyl aıtyp otyrdy. Meniń de kúıeýim bilmeıdi. Sebebi ol bilse, otbasyda artyq áńgime kóbeıip ketýshi edi. Sıyr urlaǵan qutylyp, taýyq urlaǵan ustaldy bolyp tur ǵoı. Organnyń tapqan aqshasy negizi ol halyqtyń qarajaty. Ol bizdi uıymdastyryp, halqyn asyrap otyr. Ol ózi paıda kórip otyrǵan joq. Bizdi asyrap otyrǵan adam edi», - dedi búgingi jıynǵa kelgen salymshy Aısulý Myrzanova.
«6 MLN TEŃGE KREDIT ALDYM»
Nazıra Bıbosynqyzy aqsha salǵan salymshylarǵa da erkin tańdaý bergen kórinedi. «Altyn alamyn» degenderge Reseıden, Túrkııadan, Italııadan áshekeı-buıym jetkizse, «altynymdy satyp ber» degen óz tutynýshylaryn da eskerýsiz qaldyrmaǵan. Úshinshi megapolıstegi bes saýda ortalyǵynda «aqsha salǵandardyń» altynyn satyp, túsken paıdasymen birge salymshylaryna keri salǵan kórinedi.
«Altyn tabyldy dep jatyr ǵoı. Endi altyn satatyn adamnyń úıinen altynnan basqa ne tabylýy kerek? Men kredıt alyp, salymshy bolǵanmyn. Men qarasha aıynda aqsha bergenmin. Men Nazıraǵa «altynymdy satyp ber, paıdasyn kórip otyraıyn» dep aıtqanmyn. Ústindegi az paıyzdy alyp otyrsam, qalǵany óse bersin dep oıladym. Jınalǵan aqshany mamyr aıynda alyp, úı salamyn dep oılaǵanmyn. Úı kezegine birneshe jyl buryn turǵanmyn. Kezegim jyljymady. Kredıtke 6 mln teńge alǵanmyn. Eki aı boıy tóleı almaı otyrmyn. Kollektorlar mazamdy aldy. Telefonyma tynym joq. Nazıradan barlyq adam jaqsylyq kórdi. Altyndaı da, aqshalaı da, syılyq ta berdi. Maǵan, ózime komplekt bergen. Bizge Nazırany shyǵaryp, aqsha men altynymyzdy bersin. Ol eshkimniń emes, bizdiń aqshamyz. Men ınsta arqyly keldim Nazıraǵa. Nazıra halyqqa jeńildik jasap, altynymyzdy satyp, aqshasyn berip otyrdy. Men alǵash bastaǵanda maǵan ekimyń teńge kem tólegen. Keıin men ony suraýǵa uıalyp júrdim. Sebebi bes júz myń, úsh júz myń taýyp júrdim. Keıin sony Kaspi arqyly salyp jiberip otyrdy. Ol bizdiń bir tıynymyzdy da almaıtyn. Adamdar erigip aqsha salmaıdy, muqtaj boldyq. Onymen qanshama sýretke de tústik, birge de júrdik. Ol alaıaq emes dep aıta alamyn», - dedi Taraz qalasynyń turǵyny Nargıza Musabekova.
«BIR JYLDA 1 MLRD TEŃGE SALYQ»
Al qazirgi tańda Nazıra Bıbosynqyzynyń qorǵaýshysy Baýyrjan Kishkenebaev Astanaǵa da arnaıy baryp, Bas prokýratýraǵa kirgenin de atap ótti.
«Meniń ózim jumysta júrsem de, qazirdiń ózinde pıramıdaǵa qatysty birneshe isterge qatysyp júrmin. Al ondaı áreketterdiń Nazıranyń is qujattarynda joq. Nazıranyń jaýabynda ár elden arnaıy kásipkerler kelip, altyndar usynyp otyrǵan. Olar óz qujattaryn, lıenzııasyn kórsetken. Zaýyt, mekemelerine baryp, 1 mlrd kóleminde tómengi baǵada altyn alyp otyrǵan. Nazıra: «Mende aqsha az bolǵan soń halyqqpen, altyn satatyn adamdarmen birigip otyrdym» deıdi. Olarmen birigip, aqshany jınap, kóterme baǵada altyn alyp bergen. Keı adamdar altyndy sata almaǵandyqtan paıyz qosyp, satyp bergen. Al aqshasyn tolyq salymshylarǵa berip otyrǵan. Qazir salymshylar nesıelerin tóleı almaı otyr. Biz joǵaryǵa baryp, Bas prokýrordyń kómekshilerimen sóılesip, mán-jaıdy aıttyq. Ol jerde de bizdi júzdegen halyq kútip aldy. Olar maǵan aıtpady. Bas prokýratýraǵa aıtty», - deıdi Baýyrjan Kishkenebaev.
Advokat Nazıra Bıbosynqyzynyń zań boıynsha jumys istegenin aıtady. Onyń Shymkent qalasynda altyn satatyn bes ortalyǵy da jumys istegen. Nátıjesinde 2024 jyl boıynsha memleketke 1 mlrd 200 mln teńge salyq tólegeni aıtyldy. Jıynǵa kelgen halyq Nazıranyń kámelet jasyna tolmaǵan úsh balasynyń sýretteri men anasy daıyndaǵan beınerolıkti kórip, jas aldy.
«ShYMKENTTEGI DEPARTAMENT HALYQTY ESTIMEIDI»
Jıyn barysynda moderator bolǵan Tileýjan Kishkenebaev ta Nazıra gold-tyń jumysy zańdy ekenin atap ótti.
«Prezıdenttiń kásipkerlerdi qoldaýy týraly urany qaıda qaldy? Onyń Shymkentke qatysy joq pa? Halyq osy úshin kúıip otyr. On eki myń adam Nazıra qoldap, daýys berip otyr. Bir paıyz da jaman pikir jazylmaǵan. Prezıdentke, QMA, Antıkorǵa halyqtyń atynan qanshama hat joldandy. QMA Nazırany zańsyz ustap, zańsyz halyqtyń aqshasyn alyp otyr. Sonyń kesirinen qanshama halyq zardap shegip otyr. Shyǵyn Nazıradan kelip jatqan joq. Shyǵyn tek Shymkent qalasy boıynsha Ekonomıkalyq tergep-tekserý departamentinen kelip otyr! Biz zańy myqty memlekette ómir súrip jatyrmyz! Prezıdenttiń ózi kásipkerlerdi qoldap tur. Zańsyzdyqqa jol bermeıdi dep oılaımyz. Qanshama halyq kún sanap otyr, nesıe jandy qınap otyr. Úıinen aıyrylyp qalatyndar qanshama... Joǵarydaǵylar bizdiń jan-aıqaıymyzdy estıdi degen oıdamyz. Shymkent qalasy boıynsha Ekonomıkalyq tergep-tekserý departamenti, Prokýratýrasy bizdi estimeı otyr. Biz Almatydan kelip osy ashynǵan halyqty sabyrǵa shaqyryp otyrmyz», - dedi advokat Tileýjan Kishkenebaev.
Jıynda aǵaıyndy Kishkenebaevtar, Nazıranyń ápkesi Jazıra Bıbosynqyzy, Nazıranyń týysy dep tanystyrylǵan Turnııaz aqsaqal men Nazırany jaqtaýshy salymshylar kelip qatysqan.
«Nazıra óz eńbekqorlyǵynyń arqasynda er adamdardyń istemegen isin isteı aldy. Mıllıardtaǵan aqshany alyp kelýdiń ózi ońaı emes. Nazıra bárin qoljetimdi etti. Ol kóterilip kele jatqan edi. Ony qoldan uıymdastyryp, ustady dep oılaımyn», - dedi Nazıranyń atasy dep tanystyrylǵan Batyrhan Isaqov.
AIǴAIMEN BITKEN JIYN
«Nazıraǵa bostandyq!» degen uranmen bastalǵan jıyn sońy aıǵaı-shýmen aıaqtaldy. Shymkent qalasy Abaı aýdany ákiminiń orynbasary uıymdastyrýshylardyń jergilikti ákimdikten úlken jıyn ótkizýge ruqsat almaǵanyn aıtty. Meıirjan Ǵanıuly Ajedın eki polıııa qyzmetkerimen kelip, jınalǵandardan zaldy bosatýdy talap etti.
«Barshańyzdyń jınalyp otyrǵandaryńyz zańsyz. Jalpy mundaı akııa jasaý úshin ákimshilikke arnaıy habarlama berý kerek bolǵan. Bes kún buryn jiberilgen habarlamaǵa úsh kún ishinde jaýap bolmasa, onda akııany ótkizýge ruqsat. Alaıda búgingi akııa boıynsha eshqandaı habarlama túspegen. Bárińiz qazir zaldan shyǵyńyzdar. Bolmasa polıııa qyzmetkerleri zań aıasynda 15 táýlikke sizderdi qamap ne aıyppul salady. Sizderdiń ókilderińiz munda Quran oqytylyp jatyr dep jaýap berdi. Alaıda eshqandaı da Quran Aıattary bul jerde bolmady», - dep eskertý jasap, mıkrofon men kamerany óshirýge tyrysty.
Alaıda advokat Kishkenebaev bul akııanyń kóshede ótip jatqan mıtıng emes ekenin tilge tıek etti. Bul sózge «nalymaǵan» ákimdik qyzmetkerine halyq ta qarsy shyqty. Olar «zaldy bosat» degen sheneýnikke «Nazıraǵa bostandyq», «Bostandyq» dep urandata jóneldi.
Qazirgi ýaqytta sotqa deıingi tergeý amaldary júrgizilip jatyr. QR Qylmystyq is júrgizý kodeksiniń 201-babyna sáıkes, tergeý múddesine baılanysty ózge málimetter jarııa etilmeıdi.
