Ticketon saıtynyń dırektory Alekseı Lı Threads áleýmettik jelisinde satyp alýshylarǵa úndeý jasap, Djennıfer Lopestiń konertine bılet satý kezinde týyndaǵan tehnıkalyq aqaýlarǵa baılanysty keshirim surady, dep habarlaıdy "Adyrna" ulttyq portaly.
Onyń aıtýynsha, komanda ınfraqurylymdy aldyn ala kúsheıtip, serverler sanyn úsh esege arttyrǵanymen, halyqtyń qyzyǵýshylyǵy kútkennen áldeqaıda joǵary bolyp, saıt júktemege shydas bermeı isten shyqqan. Aqaý oryn alǵannan keıin tehqyzmetter Cloudflare kompanııasynyń elektrondy kezek júıesin shuǵyl engizdi. Alaıda asyǵystyqpen keıbir tehnıkalyq nıýanstar eskerilmeı, tapsyrystardyń qaıtalaný qaýpi týyndaǵan.
«Satylymdy toqtatyp, túni boıy qaıtalanǵan tapsyrystardy anyqtap, alypsatarlardy alyp tastap, ár klıent úshin jeke sheshim izdedik. Túngi 1-de taza baza jasap, durys satyp alǵandarǵa elektrondy bılet jibere bastadyq. Qazir de komanda 24 saǵat boıy jumys isteýde», – dedi Alekseı Lı.
Ol barlyq jaǵdaıdyń ádil sheshiletinin aıtyp, kópshiligine bılet klasy aqysyz joǵarylatylatynyn habarlady. Al baǵasy tómenirek sanattaǵy oryndarǵa ótken keı adamdarǵa (shamamen birneshe júz adam) bılet quny tolyq qaıtarylyp, is-sharaǵa tegin qatysý múmkindigi berilmek.
Sondaı-aq, Alekseı Lı platformanyń jańartylǵan nusqasy aldaǵy aılarda kezeń-kezeńmen iske qosylatynyn aıtty. Bastapqyda ol qyrkúıekke josparlanǵan.
Aıta keteıik, Djennıfer Lopestiń konerti 1 tamyzda Astanada ótedi. Bul – álemdik juldyzdyń Qazaqstanǵa alǵashqy sapary. Bıletter 11 sáýirde satylymǵa shyqty. Kóptegen qoldanýshylar saıttyń durys jumys istemegenin, aqsha sheshilip, biraq bılet berilmegenin aıtyp shaǵymdandy. Soǵan qaramastan, barlyq bıletter birneshe saǵat ishinde satylyp ketti. Keıinirek jelide bıletterdiń OLX arqyly qaıta satylyp jatqany týraly aqparat tarady.
