Ýkraınaǵa qarsy soǵysta Reseı tarapynda júzden astam qytaılyq jaldamaly ásker soǵysyp júr, dep habarlaıdy "Adyrna" ulttyq portaly Reuters agenttigine silteme jasap.
Bul týraly juma kúni AQSh-tyń barlaý málimetterimen tanys eki sheneýnik jáne Batys elderiniń biriniń burynǵy barlaýshysy málimdegen.
Reuters málimetinshe, bul jaldamalylardyń Qytaı Halyq Respýblıkasynyń úkimetimen tikeleı baılanysy joq. Amerıkalyq sheneýnikterdiń aıtýynsha, bul qytaılyq jaýyngerlerdiń daıyndyǵy tómen, ári olar Reseıdiń áskerı operaııalaryna eleýli áser etip otyrǵan joq.
Batys barlaý qyzmetiniń burynǵy qyzmetkeri jaldamalylardyń naqty sany shamamen 200-ge jýyq ekenin atap ótti.
Sonymen qatar, agenttiktiń deregine qaraǵanda, Reseıdiń maıdan shebinen tys aımaqtarynda Qytaı ofıerleri soǵys barysynan taktıkalyq sabaq alyp jatyr.
Reuters derekkóziniń aıtýynsha, bul ofıerlerdiń sol jerde bolýy – Beıjińniń kelisimimen júzege asqan.
"Olar bul jerde kelisimmen júrgeni – sózsiz", – dep málimdegen aqparat berýshi.
