12 sáýir – Dúnıejúzilik avıaııa jáne ǵaryshkerler kúni. Osy kúnde adamzat alǵash ret Jer atmosferasynan shyǵyp, ǵaryshty baǵyndyrýdy bastady, dep habarlaıdy "Adyrna" ulttyq portaly.
Ǵaryshqa jol Baıqońyrdan bastalǵan
1955 jyly KSRO-da alǵashqy ballıstıkalyq zymyrandardy synaqtan ótkizý úshin qolaıly oryn izdeldi. Tańdaý Qazaqstannyń Qyzylorda oblysyna tústi. Sebebi bul aımaq keń, adam az qonystanǵan jáne klımattyq jaǵdaılary tıimdi edi.
1957 jyly 4 qazanda Baıqońyrdan alǵashqy jasandy jer serigi – "Spýtnık-1" ushyryldy. Al 1961 jyly 12 sáýirde osy jerden Iýrıı Gagarın alǵash bolyp ǵaryshqa attandy.
Búgingi Baıqońyr
Qazirgi tańda Baıqońyr – 15 ushyrý kesheni bar, ǵaryshqa túrli zymyrandar ushyrýǵa qabiletti álemdegi eń iri ǵarysh aılaǵy. Munda "Soıýz", "Proton", "Zenıt", "ıklon" sekildi zymyrandar men "Lýna", "Mars" sııaqty avtomatty stanııalar ushyrylǵan.
2025 jyldyń 8 sáýirinde Baıqońyrdan sońǵy ret "Soıýz MS-27" kemesi ushyryldy. Onyń bortynda reseılik ǵaryshkerler Sergeı Ryjıkov pen Alekseı Zýbrıkıı jáne NASA astronavty Djonatan Kım bar. Olar Halyqaralyq ǵarysh stanııasyna bet alǵan.
Qazaqstandyq ǵaryshkerler
1991 jyly 2 qazanda Toqtar Áýbákirov ǵaryshqa alǵash ushqan qazaqstandyq boldy. Al 1994–2001 jyldar aralyǵynda Talǵat Musabaev úsh márte ǵaryshqa ushyp, ashyq ǵaryshta eń uzaq bolǵany úshin Gınnestiń rekordtar kitabyna endi. 2015 jyly 2 qyrkúıekte Aıdyn Aıymbetov ǵaryshqa ushyp, 10 kún boıy HǴS-ta jumys istedi.
