Búgin Almaty qalasyndaǵy «Ǵylym ordasy» ǵımaratynda Qazaqstan Respýblıkasy Prezıdentiniń janyndaǵy Ulttyq ǵylym akademııasy Qazaqstandaǵy ǵylym qyzmetkerleriniń kásibı merekesine arnalǵan iri saltanatty is-shara ótkizdi.
Is-shara otandyq ǵylym salasyndaǵy jetistikterdi dáripteý, ǵylymı qyzmetkerlerdiń eńbegin moıyndaý, sondaı-aq jas ǵalymdardy yntalandyrý jáne olardyń ınnovaııalyq bastamalaryn qoldaý maqsatynda uıymdastyryldy.
Baǵdarlama aıasynda:
- Ǵylymı-ınnovaııalyq ázirlemelerdiń kórmesi;
- QR Ǵylym jáne joǵary bilim mınıstri Saıasat Nurbektiń, QR UǴA Prezıdenti Aqylbek Kúrishbaevtyń jáne elimizdiń jetekshi ǵalymdary, akademıkterdiń mazmundy baıandamalary;
- Vedomstvolyq nagradalarmen marapattaý;
- Elimizdiń jetekshi ǵalymdaryn akademık Qanysh Sátbaevtyń 125 jyldyǵyna arnalǵan arnaıy tósbelgilermen marapattaý saltanaty ótti.
Mańyzdy tarıhı sát – «Sátbaev sakýralaryn» otyrǵyzý:
Ǵylym ordasynyń aýlasynda erekshe sımvoldyq mánge ıe «Sátbaev sakýralaryn» jańǵyrtý rásimi uıymdastyryldy. Bul bastama – qorshaǵan ortany qorǵaýǵa úles qosý ǵana emes, sonymen qatar elimizdiń ǵylym tarıhyna qurmet pen taǵzym belgisi. Sakýra aǵashtaryn alǵash osy jerde akademık Qanysh Sátbaevtyń qurmetine ótken ǵasyrdyń 60-shy jyldary japon delegaııasy otyrǵyzǵany belgili.
Saltanatty otyrǵyzý rásimine akademıkter, depýtattar, japondyq delegaııasy músheleri, ǵylymı qoǵamdastyq belsendileri qatysty.
