Ǵylym kúni qarsańynda ótken ǵalymdarmen kezdesýde Memleket basshysy Qasym-Jomart Toqaev qazirgi álemdik ekonomıkalyq ahýalǵa toqtalyp, Qazaqstanǵa áser etýi múmkin syn-qaterler týraly aıtty. Bul týraly Stan.kz aqparat agenttigi habarlady.
Prezıdenttiń aıtýynsha, qazirgi tańda álem ondaǵan jyl boıy bolmaǵan eń kúrdeli daǵdarystyń aldynda tur.
“Alpaýyt memleketter arasyndaǵy “tarıf maıdany” saldarynan óndiris pen saýda tizbegi buzylyp, naryqtar quldyrap, shıkizat baǵamy turaqsyzdanyp jatyr. Bul Qazaqstanǵa da áser etpeı qoımaıdy. Qazirgi tańda 90 kúndik tarıf moratorııi engizilgenimen, naryqtaǵy jaǵdaı áli de turaqsyz”, – dedi Prezıdent Toqaev.
Memleket basshysy ahýalǵa pozıtıvti kózqaraspen qarap, dúrligýge esh negiz joq ekenin aıtty.
“Syrtqy qolaısyz faktorlarǵa qaramastan, biz damýdyń dańǵyl jolyn jalǵastyra beremiz. Negizgi ınfraqurylymdyq jobalar men basqa da bastamalar tolyǵymen júzege asady. Úkimet pen ákimdikterge is-qımyl josparyn shuǵyl aıaqtaýdy tapsyrdym. Bul – ósim qarqyny men ınvestıııa kólemin tómendetpeý úshin qajet”, – dedi Prezıdent.
Sondaı-aq ol daǵdarystyń jańa múmkindikterge jol ashatynyn, sonymen qatar basshylyqtaǵy azamattardyń iskerlik qabiletin aıqyndaıtynyn atap ótti.
“Ulttyq ekonomıkanyń ornyqtylyǵy men áleýmettik turaqtylyqty saqtaý úshin dál qazir jan-jaqty daıyndyq qajet. Biz jumysty baıyppen ári senimdi túrde atqarýǵa tıispiz”, – dedi Prezıdent.
Aıta keteıik, 3 sáýir kúni AQSh Prezıdenti Donald Tramp 180-nen astam elge jańa salyq tarıfterin engizetinin málimdegen bolatyn. Bul sheshimnen keıin azııalyq qor naryqtary quldyraı bastady. Keıin Tramp tarıf engizýdi keıinge qaldyratynyn jetkizdi.
