Memleket basshysy Qasym-Jomart Toqaev YTO Express kompanııasynyń basqarma tóraǵasy Iýı Hýeızıaony qabyldady. Kezdesý barysynda «Qazposhta» AQ men YTO Express kompanııasy birlesip qurǵan «Qazpost – YTO» JShS-niń qyzmeti tanystyryldy, dep habarlaıdy “Adyrna” ulttyq portaly Aqordaǵa siltep.
Jobanyń basty maqsaty – Qazaqstan men Ortalyq Azııada zamanaýı ári tıimdi kýrerlik jeli qalyptastyrý. Osy baǵytta Almaty oblysynda iri suryptaý habynyń qurylysyn bastaý josparlanyp otyr. Bul poshta jóneltilimderin jetkizý merzimin edáýir qysqartýǵa múmkindik beredi.
Sonymen qatar, suryptaý habyna jaqyn mańnan ındýstrıaldy park salý kózdelýde.
Memleket basshysy mundaı birlesken jobalardyń strategııalyq mańyzyna toqtalyp, olardyń elder men halyqaralyq bıznes arasyndaǵy tıimdi yqpaldastyqtyń úlgisine aınalýy tıis ekenin atap ótti.