Astana men Almaty qalalaryndaǵy aqsha aıyrbastaý pýnktterinde AQSh dollary 518 – 522 teńge aralyǵynda saýdalanýda. Ulttyq banktiń búgingi resmı baǵamy boıynsha bir dollar — 520,48 teńge, dep habarlaıdy “Adyrna” ulttyq portaly.
Kurs.kz platformasynyń málimetinshe, Almatydaǵy aıyrbastaý oryndarynda dollardy satyp alý baǵamy — 519 teńge, al satý baǵamy — 522 teńge shamasynda. Eýronyń baǵasy 571–577 teńge aralyǵynda ózgerip tur.
Astanadaǵy jaǵdaı da uqsas: dollar 518 teńgeden satyp alynyp, 522 teńgeden satylýda. Eýronyń satyp alý baǵamy — 569 teńge, satý baǵamy — 575 teńge.
Al Reseı rýbli qazirgi tańda 5,93 – 6,05 teńge aralyǵynda saýdalanýda. Ulttyq banktiń 10 sáýirge belgilegen resmı rýbl baǵamy — 6,06 teńge, al eýro — 574,61 teńge.
Aıta keteıik, 9 sáýir kúngi kúndizgi saýda qorytyndysy boıynsha dollardyń ortasha baǵamy 1,98 teńgege qymbattap, 520,48 teńgege jetken bolatyn.
