Almatyda belgılı aitysker aqyn Balǧynbek İmaşevtyŋ ūly – Daniiar İmaşev alaiaqtyq baby boiynşa tergelıp jatyr, dep habarlaidy "Adyrna" ūlttyq bairaqmedia.kz portalyna sılteme jasap habarlady.
Tergeuge Daniiar İmaşevtyŋ atqaruşy direktory bolyp sanalatyn «Qazaq travel» kompaniiasynyŋ qyzmetıne bailanysty 50-ge juyq adamnyŋ şaǧymy sebep bolǧan. Turister qasiettı Mekke qalasyna ūşuǧa bır kün qalǧanda sapardyŋ bolmaityny turaly habar alǧan. Qazır olar Äuezov audandyq polisiia basqarmasyna aryz tüsırıp, aqşalaryn qaitarudy talap etude.
TikTok-ta marjuka92 esımdı qoldanuşy jariialaǧan videoda aşuly jūrt kompaniia keŋsesıne basyp kırıp, ondaǧy jaǧdaidy tüsırıp körsetken. Onyŋ aituynşa, kompaniia ökılderı qajylyqqa aparamyz dep uäde berıp, adamdardan milliondap aqşa jinaǧan, alaida sapar da, aqşa da joq. Al kompaniia direktory aitysker aqyn Balǧynbek İmaşevtıŋ balasy eken. “11-şaǧyn audandaǧy 3/1 mekenjaiyndaǧy keŋsege kelgende, eşkım joq. Qyzmetkerlerge ailyq ta tölenbegen. Būl kompaniianyŋ direktory – tanymal aitysker aqyn Balǧynbek İmaşevtyŋ ūly Daniiar İmaşev. Ol qolhat jazyp, belgılı bır somany qaitaramyn dep uäde bergenımen, nätije joq. Äleumettık jelıdegı paraqşalarynda pıkır qaldyru mümkındıgın jauyp tastaǧan”, – deidı video avtory.Turist Medina Jarylǧapova kompaniia tarapynan naqty tüsınıkteme bolmaǧanyn, biletter men qonaqüi tölemderı jaily dälel ūsynylmaǧanyn aitty.
«Qazaq travel» keŋsesı qazır jabyq. Polisiia alaiaqtyq deregı boiynşa qylmystyq ıs qozǧap, üş küdıktını anyqtaǧan. Olardyŋ arasynda Daniiar İmaşev ta bar.
Kompaniia ökılı būl oqiǧaǧa qatysty pıkır bıldırmegenımen, onyŋ äkesı Balǧynbek İmaşev mäselenı tüsındıruge tyrysty. Ol bilet pen qonaqüi baǧasynyŋ kürt qymbattauy kompaniiaǧa qiyndyq tuǧyzǧanyn aityp, būl jaǧdaidy alaiaqtyq dep qabyldamauǧa şaqyrdy.
– Köp adamdar qajylyqqa jeŋıldıkpen jazylyp qoiǧan. Bıraq qazır baǧa qymbattap kettı. Kompaniianyŋ qūryltaişylary turisterdıŋ jaǧdaiyn jasau üşın öz qaltasynan qosymşa qarjy salyp jatyr, – dedı aitysker aqyn.
Alaida qajylyqqa bara almai qalǧan azamattar būǧan senbei, aqşalaryn qaitarudy talap etude. Sonymen qatar olar mūndai jaǧdaiǧa özge mūsylmandar tap bolmasa eken deidı.
