«Aq jol» demokratııalyq partııasy Salyq kodeksin talqylaý barysynda óndirisshiler men kásipkerlerdiń múddesin qorǵaı otyryp, úkimetke konstrýktıvti opponent bolyp kele jatqanyn málimdedi. Partııa ókilderi memleket múddesi úshin mańyzdy sheshimder qabyldaýǵa daıyn ekenin de atap ótti.
Salyq reformasyna qatysty negizgi ustanymdar:
Negizsiz jeńildikterdi qysqartý: «Aq jol» naryqtaǵy keıbir sýbektilerge básekege qabiletsiz artyqshylyq beretin jeńildikterdi azaıtýdy qoldaıdy. Sonymen qatar, bankter, iri óndirýshi kompanııalar, oıyn bıznesi sekildi joǵary tabysty salalarǵa salyqty arttyrýdy usyndy.
QQS mólsherlemesin saralaý: Frakııa áleýmettik mańyzy bar taýarlar men qyzmetterge (azyq-túlik, dári-dármek, kommýnaldyq tólemder jáne t.b.) nóldik QQS mólsherlemesin engizýdi talap etedi. Sonymen qatar, basym tehnologııalyq salalar úshin (mashına jasaý, IT, fınteh, ónerkásiptik qurylys) QQS-ty 8% deńgeıinde belgileýdi usynady.
Shaǵyn bızneske qoldaý: QQS shegin jylyna 15 mln teńgege deıin tómendetý — bıznestiń jabylýyna nemese kóleńkege ketýine alyp keledi. Osyǵan baılanysty frakııa shekti deńgeıdi 78 mln teńge deńgeıinde saqtaýdy usyndy. 40 mln teńge kólemindegi usynystyń ózi jetkiliksiz deıdi olar.
Salyq ákimshilendirýi: Zańdy tulǵalarmen jumys úshin jeńildetilgen rejımge QQS engizý býhgalterııa men qosymsha esepteýlerdi qajet etetinin, bul shaǵyn bıznes úshin aýyrtpalyq ekenin atap ótti.
QQS reformasyn kezeń-kezeńimen engizý: «Aq jol» frakııasy QQS mólsherlemesin jyl saıyn 1%-ǵa ulǵaıta otyryp, jańa formatty birtindep engizýdi usynady.
Úkimettiń shyǵyndaryn qysqartý: Partııa salyqtyq ózgeristerdi bıýdjet shyǵystaryn azaıtýmen, ásirese memlekettik apparat pen kvazımemlekettik sektordyń shyǵyndaryn qysqartýmen qatar júrgizý qajet ekenin alǵa tartady. Olar Úkimettiń osy baǵytta eshbir naqty qysqartý jasamaǵanyn synǵa aldy.
Frakııa aldaǵy ýaqytta 100-ge jýyq usynys negizinde jumysyn jalǵastyryp, salyq reformasynyń ádil ári tıimdi bolýyna yqpal etetinin málimdedi.
