«Aq jol» demokratiialyq partiiasy Salyq kodeksın talqylau barysynda öndırısşıler men käsıpkerlerdıŋ müddesın qorǧai otyryp, ükımetke konstruktivtı opponent bolyp kele jatqanyn mälımdedı. Partiia ökılderı memleket müddesı üşın maŋyzdy şeşımder qabyldauǧa daiyn ekenın de atap öttı.
Salyq reformasyna qatysty negızgı ūstanymdar:
Negızsız jeŋıldıkterdı qysqartu: «Aq jol» naryqtaǧy keibır subektılerge bäsekege qabıletsız artyqşylyq beretın jeŋıldıkterdı azaitudy qoldaidy. Sonymen qatar, bankter, ırı öndıruşı kompaniialar, oiyn biznesı sekıldı joǧary tabysty salalarǧa salyqty arttyrudy ūsyndy.
QQS mölşerlemesın saralau: Fraksiia äleumettık maŋyzy bar tauarlar men qyzmetterge (azyq-tülık, därı-därmek, kommunaldyq tölemder jäne t.b.) nöldık QQS mölşerlemesın engızudı talap etedı. Sonymen qatar, basym tehnologiialyq salalar üşın (maşina jasau, IT, finteh, önerkäsıptık qūrylys) QQS-ty 8% deŋgeiınde belgıleudı ūsynady.
Şaǧyn bizneske qoldau: QQS şegın jylyna 15 mln teŋgege deiın tömendetu — biznestıŋ jabyluyna nemese köleŋkege ketuıne alyp keledı. Osyǧan bailanysty fraksiia şektı deŋgeidı 78 mln teŋge deŋgeiınde saqtaudy ūsyndy. 40 mln teŋge kölemındegı ūsynystyŋ özı jetkılıksız deidı olar.
Salyq äkımşılendıruı: Zaŋdy tūlǧalarmen jūmys üşın jeŋıldetılgen rejimge QQS engızu buhgalteriia men qosymşa esepteulerdı qajet etetının, būl şaǧyn biznes üşın auyrtpalyq ekenın atap öttı.
QQS reformasyn kezeŋ-kezeŋımen engızu: «Aq jol» fraksiiasy QQS mölşerlemesın jyl saiyn 1%-ǧa ūlǧaita otyryp, jaŋa formatty bırtındep engızudı ūsynady.
Ükımettıŋ şyǧyndaryn qysqartu: Partiia salyqtyq özgerısterdı biudjet şyǧystaryn azaitumen, äsırese memlekettık apparat pen kvazimemlekettık sektordyŋ şyǧyndaryn qysqartumen qatar jürgızu qajet ekenın alǧa tartady. Olar Ükımettıŋ osy baǧytta eşbır naqty qysqartu jasamaǧanyn synǧa aldy.
Fraksiia aldaǧy uaqytta 100-ge juyq ūsynys negızınde jūmysyn jalǧastyryp, salyq reformasynyŋ ädıl ärı tiımdı boluyna yqpal etetının mälımdedı.
