Resmi tūlǧanyŋ boikotty baǧalauy — Tūrmystyq dau, bıraq būl bızge sabaq boldy

Premer-ministrdıŋ orynbasary – Ūlttyq ekonomika ministrı Serık Jūmanǧarin Mäjılıstıŋ jalpy otyrysynan keiın ötken baspasöz mäslihatynda Magnum sauda jelısıne qatysty boikot mäselesıne pıkır bıldırdı, dep habarlaidy "Adyrna" ūlttyq portaly. Äleumettık jelıde qazaqşa qyzmet körsetudı ötıngenı üşın jetkızuşınıŋ jūmystan quyluyna bailanysty bastalǧan boikot keŋ talqyǧa tüsken edı. Jurnalisterdıŋ sūraǧyna jauap bergen vise-premer būl jaǧdaidy jeke adamdar arasyndaǧy tūrmystyq dau dep atap, alaida odan qoǧam üşın maŋyzdy sabaq alynuy tiıs ekenın aitty. "Būl – bar bolǧany jeke adamdar arasyndaǧy tūrmystyq dau. Bıraq būl bızge ülken sabaq boldy. Ondai tıl mäselelerın, ūlttyq mäselelerdı talqylaǧanda, äleumettık jelıde jazǧanda abai bolu kerek. Qarapaiym ǧana 20 million halqymyz bar. Tatu boluymyz kerek. Qazaqtar aitady ǧoi, "auyly aralas, qoiy qoralas" bolu kerek. Bızge ne kerek? Qarapaiym, qaradomalaq qazaqtardyŋ basy aman bolsyn. Odan basqa eşteŋe kerek emes", – dedı Serık Jūmanǧarin. Sonymen qatar, vise-premer qazaqşa söileudı talap etkenı üşın jūmystan şyǧarylǧan azamattyŋ qazırgı taŋda basqa jūmysqa ornalasqanyn atap öttı. "Menıŋ oiymşa, ol – şeşıletın mäsele", – dep qorytyndylady ol. Eske sala keteiık, Magnum jelısınıŋ kurerı jūmystan şyǧarylǧany jönındegı aqparat äleumettık jelıde qyzu talqyǧa tüstı. Dau kurerdıŋ tapsyrys beruşıden qazaq tılınde söileudı talap etkenınen bastaldy. Keiın kompaniia ökılderı onyŋ jūmystan şettetılgenın aitty. Osy oqiǧadan keiın jelı qoldanuşylary Magnum dükender jelısıne qoǧamdyq boikot jariialady. Qazır äleumettık jelıge jüktelıp jatqan beinelerden tūtynuşylardyŋ edäuır azaiǧanyn baiqauǧa bolady.